Éxodo 16:8 - Sharanahua: Diospan Tsain

⁸ Icon man tsain chipuai cusca nocohuunoacai man tsain chipuama. Noncai ahuama. Nocon Ifohuunoafin man tsain chaca huamisiquin. Man tsain chaca yoimisi cuscafin nantifi Diosi man nicamisiquin. Ascacun na yatapacu mato nami inain funamarifin mato misi niriashoin. Asca huaino man tapitiro nocon Ifo Diosin na tushu mato inanran, —ishon Moisés ahuun caifo yoini.

Éxodo 16:8 Iomraidhean Croise

Éxodo 16:12

—Uqui tsain chaca huaifo cuscan mun nican. Nan uhuun tsain ato yoihuu isca huaquin, “Na yatapacu un mato nami inain. Ascashon funamari un mato misi inain. Piashu man mayan sharanon. Ascano man tapishquin unfin mato Ifo Diosiquin,” ishon nannori ato yoihuun, —ishon Moisés ato yononi.

Éxodo 16:9

Ascano Moisés ahuun ochi Aarón yoini isca huaquin, —Ochin, nocon caifo nantifi ichananhuashon afanan ato yoihuu isca huaquin, “Man nocon Ifoqui tsain chaca huafia. Natian aficoin mato cumai oa man nicanon. Nantifiton nicacahuun,” —ishon ato yoihuu Moisés Aarón yoini.

Éxodo 17:2

Ascano nantian afanan Moisésqui Israelifo sinacaquin tsain chipunifo yoiquin isca huanifo, —Moisés, noco unu ayamahuun, —huaifoan. —¿Ahuuscai uqui man tsain chipufafainnimun? Uncai ahuamafinquin. Non yopai cuscafin nocon Ifoan noco ashoshquiquin. Mancai nocon Ifo Dios icoinra huama. ¿Man Diosi nocoqui sinamapaimun? —ato huaiton.

Números 11:18

Nantifin min caifofo yoihuun isca huaquin, “Itisharacahuun. Ascashon maton chaca shatucahuun. Nocon Ifo Diosin man mato nican man uaicaiton. Uaiyanan man yoia, ‘Nonfin Egipcio mai ano isharapaoniquin. Nunocai ascarama. Noncai afanan nami piyamaran,’ ishon uaiyanan man tsain chipufafainni. Ascacun na funanmanri man man nami pii.

Números 14:27

—Nan min yorafoan uhuunoa tsain chaca huafain uqui tsain chipumisifo. Nan tsain uqui chipuyanan tsain chaca huaifo cusca mun nantifi nicamisi.

Mateo 10:40

Ascano ratoranfoan mato nicafain mato shara huaifo. Nanfoanfin nan uacoin shara huai cafisca mato huacaniquin. Nanscarifi aquin tsoan nan un yoiai cuscan nicacoin yafi nan ua nichini uhuun Upa Dios nicacoin cafisca huaiquin.

Mateo 9:4

Ascaifoan onanshon Jesús ato yoiquin isca huani, —¿Ahuuscai maton nomuranshon man amaquiri shinanchacaimun?

Lucas 10:16

Asca huatan Jesús ahuun tanamisifo afanan ato yoiqui isca huani, —Tsoan man yoiai cuscacoin mato nicaquifin nan uacoin nicai cafisca huaiquin. Ascan tsoan mato nicacasmaquifin uarifi nicacasmaiquin. Ascan tsoan ua nicacasmaquifin nan ua nichini uhuun Upan Diosiri nicacasmaiquin, —ishon Jesús ato yoini.

Juan 13:20

Un mato icon yoi. Nan un nichian uhuun tsain ato yoinon. Nanrifi icoinra huashofin uarifi man icoinra huatiroquin. Ascatari ua icoinra huashofin un nichiari man icoinra huaicai, —ishon Jesús ato yoini.

Romanos 13:2

Tsoan ato nicacasmaquin Diosinri nicacasmacani. Nan nicacasmaifoan ato onaintimashqui.

1 Corintios 10:10

Ascashon nanfoanri tsain chipuriaifoan Diosin nai oinmatinin atirifi ato namani. Ascacun oinfain marifi tsain chipuyamacahuun matori onaintimanonma.

1 Tesalonicenses 4:8

Ascacufin tsoan un mato yosimisi cuscan nicayamai atocai nocofunu fustisi nicacasmaima. Dioscoinrifi nicacasmamisi. Nanton ahuun Yoshin Shara mato inan mato amapaiyai cuscan man tapinon.

1 Samuel 8:7

Nantian nocon Ifo Diosin Samuel isca huani, —Mia yoiafo cuscan ato nicahuun. Mia potapaitamarocon ua potapaicani un afanan ato niaifo inonma.