Éxodo 16:4 - Sharanahua: Diospan Tsain

⁴ Nannori yoiaifoan oinquin nocon Ifo Diosin Moisés yoini isca huaquin, —Natian un nai muranshon mato tushu inain. Shafatifi man yopai cusca min caifofoan nan tushu finonfo. Ascano un atohuunoa tapipai ratotomain ua nicasharaiquin.

Éxodo 16:4 Iomraidhean Croise

Éxodo 15:25

Nantian Moisés nocon Ifo Diosi cufinquin isca huani, —¿Ifon, unmain ahuusca huatiroquin? Ua tapimahuun uhuun caifoan unu ayanonfo, —ishon nannori cufiainno. Nantian Diosin Moisés ihui poyan ismani. —Nan fishon unu muran potaino unucai afanan moca itamarocon fata sharacoin ishquiran, —ishon nocon Ifo Diosin yoini. Diosin yoia cuscan Moisés ihui poyan unu muran potaino unu fianananriscatani afanancai moca inima. Ascano nannoshon nocon Ifo Diosin Israelifo yoiquin isca huani ahuun tsainmain nicacanicain oinshquin nannori ato tapimani,

Éxodo 16:15

Ascarafocai tsoan oinyomisifoma Israelifo afi ranan yocanonannifo, —¿Naafomun ahuaquin? —icashu yocanonannifo. Ascaifoan Moisés ato yoini, —Na tushufin Diosin mato inanquin.

Mateo 6:11

Shafatifi nocon tushu non yopai cuscan noco inanhuun.

Lucas 11:3

Shafatifi nocon tushu non yopai cuscan noco inanhuun.

1 Corintios 10:3

Ascatari Diosin nai muranshon ato tushu potashoni nantififain pinonfo. Nannoshori unu yamacoinyaino Moisés toquirininhuan ahuun poquitinin tsacaino unu tsosia sharacoin tohuashu furani nantififain ayanonfo. Ascano Cristo ahuun Yoshin Shara atofu caino ahuunshon ayanifo.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.