Éxodo 15:26 - Sharanahua: Diospan Tsain

²⁶ —Nan un mato yonoai cuscan ua man nicasharaitocai un mato nan Egipciofo pau futsa futsatapafo fuchimamisi cuscacai nan pau man fuchishquima. Unfin maton Ifoquin. Un mato caya huamashquiran, —ishon nocon Ifo Diosin Israelifo yoini.

Éxodo 15:26 Iomraidhean Croise

Salmos 103:3

Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.

Éxodo 12:29

Ascano nan yamunacahuanaino nocon Ifo Diosin nantifi Egipcio ato furun iyafofo namani. Nan niaifo Faraón ahuun furun non Egipciofoan aton furun nan cunu muran iquimanifo non nantifi Egipcio aton inapan facu iyoafofo nai futsunifo.

Éxodo 19:5

Un mato yonoa cusca man nicasharafain un mato yoiyoni cusca man nicacoiainton un mato cushushara. Un mato cushusharai cuscacai un mani futsafo huashquima. Manfin uhuun yoracoinfo ishquicain. Unmain mato cushusharaiton. Un matohuun fasi noi. Nantifi mai uhuunafiashu marifi man uhuun yorafo ishquin. Nantifi min yorafoan uhuun tsain mani futsafo tapimafain uhuun ato cufinshomisifo man itiro. Un mia yoia cusca min caifo tapimahuun, —ishon nocon Ifo Diosin Moisés yononi.

Éxodo 20:2

—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.

Números 12:13

Nannori Aarón yoiaiton nicaquin Moisés nocon Ifo cufinni isca huaquin, —Uhuun Diosin, uhuun chipi caya huapun, —ishon nannori ahuun chipi cufinshoni.