Éxodo 15:22 - Sharanahua: Diospan Tsain

²² Ascano Moisés ahuun caifo nan Israelifo ununhuan ahuun anu oshin anoashu tsoa istaipama ano ahuun anu Shur ano ato iyoni. Nanno osha rafu non fusti foanfafainfiacaquicai tsoan anoa unu fuchinima.

Éxodo 15:22 Iomraidhean Croise

Génesis 16:7

Ascashu Agar fain cani. Nan fain pushu rasi Shur ano noconi. Nan Abram icano Shur nushmancayan fai cusumunri tsoa istaipaima ano Agar noconi. Nanno pozo cuscara ini. Ascano nannoshon nantia Diosin oinmati a fu nai muran icaton Agar fuchini.

Génesis 20:1

Ascano nantiari Abraham nan icanoashu mai futsa Néguev ari cani. Nanno pushu rasi rafu Cades yafi Shur. Nan rafu nushmancayan pushu rasi futsan ahuun anu Gerar. Nanno Abraham nituyoni.

Génesis 25:18

Ahuun funafo Havila mai yafi Shur mai nushmancayan ipaonifo. Nanno chaimashta Egipcio mai. Nannori Ismael funafo icano fai Asiriaqui nocoa ini. Nanfo noincasmanan tanannifo.

Éxodo 17:1

Ascano nocon Ifo Diosin ato yononi cusca nantifi Israelifo tsoa istaipama ano ahuun anu Sin anoashu funaiquima shara foanfafaincani. Chipo Refidim mai ano noconifo. Nanno unu yamacoin ini.

Éxodo 3:18

Min caifo Israelifoan aton niaifofoan mia nicatirofo. Nan mia nicaifoanno ato fu nan Egipciofo aton niaifocoin ano man catiro uhuun tsain yoishquin. Yoiquin isca huahuu, “Nonfin Hebreofoquin. Nocon Ifo Diosin no fu ica. Ascacun noco nichipun non nunoashu osha rafu non fusti non tsoa istaipama ano catanon. Nannoshon nocon Ifo Diosin non inafo rutushon non ahuun tsain nicayanan non ismasharanon,” ishon nannori yoitacahuun.

1 Samuel 15:7

Ascano Saúl futan Israeli ranushumuafoan Havila mai aria yafi Shur mai aria nan Egipcio mai anoshon fari oaiquirishon Amalecitafo rutuqui futsanifo.