Éxodo 15:2 - Sharanahua: Diospan Tsain

² Unfin nocon Ifo Dioshuunoa fanainquicain. Nantofin ahuun curushu ua inanfain ua numaquin. Nanfin uhuun upa ahuun Diosiquin. Nanrifin uhuun Diosiriquin. Un ahuunoa yoisharafain un nantifi yoi tsoa futsacai uhuun Diosi cuscarama.

Éxodo 15:2 Iomraidhean Croise

Génesis 17:7

Un mia yoiyotiani cuscan min funafori un ato yoishquin. Un min Diosin imisi cuscan nanfoan ato Diosiri un iishquin.

Génesis 49:18

Uhuun Ifon Diosin, min ua numatiro un mi fu nipanon.

2 Samuel 22:3

Min uhuun Diosin min uhuun toquirininhuan cuscaran. Toquiri uhuapacai tsoan shucatiroma. Nanscarifi ai min u fu icanocai tsoan mia shucatiroma uqui nocoshon ua chaca huashquin. Min uhuun cuno sapaqui pia iquitiroma cuscaran. Ascan minhuunshon ua chaca huapaifiacaquicai tsoan ua chaca huatiroma. Min ua numai min curushhuunoashu un isharanon. Cunu cuyacoin tarati huashu tsoa pushu rasi muran iquitiroma yorafo chaca huashquin. Nanscarifi ai min uhuun cunu cuyacoin cuscaran. Ascacun tsoan ua ahuusca huatiroma. Min ua numamisi. Yora pofufoan ua fasi chaca huaiton min ua numa ua ahuusca huanonfoma.

2 Samuel 22:47

¡Ifo Diosin, minfin uhuun toquirininhuan cuscaran nipanaca! Tsoan mia anoa shucatiroma. Min ua cushupacunaca. Uhuun Numamisi nocon Ifo Diosin nantifi finoncoian. ¡Nannori nantifi yoipacupainon!

2 Samuel 22:51

Upa Diosin nonfin min yora Israelifo. Mian catonni uhuun caifoan un aton niaifo inon. Ascano noco noicasmacaquin noco rutupaifiaifoan min curushhuunshon un ato finoncoian. Min ua catoan cuscan ua noiquin unupacunacama. Ua non uhuun facufo non uhuun funafori min noco noiai cuscacai unupacunacamaran, —ishon David yoini.

Salmos 145:1

Uhuun Diosin min uhuun niaifocoin. Minfin uhuun Ifoquin un mihuunoa yoiquin shara huapacunaca.

Salmos 27:1

Uhuun Ifo Diosifin uhuun faro cuscaraquin. Uhuun chaca ua soashona un a fu nipanon. Uhuun Ifoanfin ua cushusharaquin un futsafoqui ratutiroma. Uhuun Ifoanfin ua numapacunacaquin. Uncai tsoaquin musutiroma.

Salmos 34:3

Non ichananon nocon Ifohuunoa yoisharashquin. Non yoiquin isca huanon, —Nocon Ifon Diosin fustitofin ahuamamishti huatiroquin. Nan fustitocai ahuashta chaca huamisima. Tsoa futsacai a cuscarama. Nan fusti fasi sharafinacoian, —ishon non yoinon.

Éxodo 14:13

Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Éxodo 4:22

Nantian mato nichiyamaiton afanan Faraón yoihuu isca huaquin, “Nocon Ifo Diosin mia yoi isca huaquin, ‘Israelifofin uhuun facu iyoa cuscarafoquin.

Éxodo 40:34

Ascatan nai coinmanhuanun ichananti pano pushu manaon fuponi. Nantianri nocon Ifo Diosin ahuara fasi sharashtacoin ascaracai tsoan oinyomisima cuscaran huani. Ascatan pano pushu muran iquicaini.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Lucas 1:77

Diosin fasi nocohuun ramapaiqui nocon Ifohuunshon noco chaca soashona non afu ipashanon,’ ishon noco caifo min ato yoishquin. Nii muran faquishiainocai non oinsharatiroma. Chashamatimaisicai non fai tanasharatiroma nocosharapaiquin. Nanscarifiai nocon Ifo oataimano tsoan Diosin fai tapiataima. Shafaino fari otiro afanan faquish inonma. Nanscarifiai nocon Ifo nai murannoashu oataima nan faquish cuscara. Ascafia nan nocoqui oaitian nan chashamati cuscara shara iishquin. Ascashon Diospan fai noco oinmashquin ahuunoashu non Dios fu rafunon. Nonricai nai afanan ratutiroma. Naashumain non Upa Dios fu ipasharatiro. Non nicuri noco cushusharafain nocon ointi fucash huanonma non isharashquin,” ishon Diosin Yoshin Sharahuunshon Zacarías yoini.

Juan 4:22

Non ranishora cufiainocai non chipo ascaran shinainma. Na machi ano iyamarai Jerusalén anocai non ascainocai ahuama. Ahuuscashomain non Dios cuficain, nan Diosin tapipai. ¿Nocon nomuran non Dios cuficoinmun? ¿Ahuun Yoshin Sharahuunshon non Dios cuficoinmun? Nan Diosin nicacoinpai. Aafin Yoshin Sharaquin. Non Dios cuficoiainton ahuun Yoshin Shara fustiton noco tapimatiro non cufisharanon. Ahuun Yoshin Sharahuunshon non Upa Dios cufiaiton nanscara Upa Diosin fuchipai. Ascafiashu manfin Samaritanonfoquin cufipaifiaquicai nocon Upa Dios man tapisharafoma. Asca nonfin Israelifoquin non nocon Upa Dios tapicoian. Man non tapiari nan Numamisi arifi Israeli iishquin, —huaiton.

Hechos 4:12

Tsoa futsacai noco numatiroma. Manifotifoan tsoa futsahuunoashucai non ipatiroma. Jesucristo fustitofin nocon chaca soatiroquin non Upa Dios fu nipanon, —ishon Pedron ato yoini.

2 Corintios 5:19

Upa Diosin Cristohuunshon afanan nantifi yorafo a ya rafumapai afanan amaqui inonfoma. Cristo noco nashoniano Upa Diosin nocon chaca afanan shinainma. Nocon chaca soashona non afu ipanon. Upa Diosin noco yonoa cuscan nannoricoin non mato yoimisi.

Filipenses 4:13

Cristo ahuun curushu ua inainton nan curushhuunshon ahuara ahuu cuscararan futsan un atiroquin.

Colosenses 2:9

Ascano Cristo yafi Apa Dios nanscara rafu. Cristo noco cuscara nocofunucoinfiashu Dios imisi cuscan arifi nanscamisi.

Apocalipsis 15:3

Aton arpa tsomacashon Diospan oinmati Moisés yafi Jesús nan chashoanun facu cahuanshara cuscara fanainmisi cuscan atorifi nannori fanaincani isca huaquin, “Ifon, mincaifin Diosiquin. Min ahuamamishti atiro. Min amisi cuscan sharacoin. Tsoan futsacai atiroma. Min manifoti nantifi aton niaifocoin ipanaca. Min shinanmisi cuscan cayacafi iconcoin.

Apocalipsis 19:1

Ascatan nai muran icafo ichapacoin aton oi un nica. Oi ashcafinin un ato nica isca huaquin, “Tsoan chaca huamisi Upa Diosin ato onaintimai. Iconquin ato onaintimai. ¡Aicho! Nocon Ifon Diosin fasi sharacoin non yoipacunon. Nanton nocon chaca soashona non afu nipanon. Ahuunoa fusti non yoitiro isca huaquin, ‘Min nocon Ifocoin. Tsoa futsacai mia cuscarama. Mirus fusti min sharacoinmisiran,’ ishon nantifishon yoipacunonfo. Ahuun shinanhuunshon ahuamamishti huatiro. Upan Diosin Babilonia anoafo atohuunoa isca huaquin yoia, ‘Nan Babilonia anoafo ainfo furomacoin cuscarafo. Man chaca huamisifohuun manifoti anoafo ato chaca huama. Ascancufin ua Babiloniafoan fasi ua chaca huafo. Uhuun yorafori man omitsiscamacani naanonfo. Ascan un ato omitsiscamapacunacaran,’ ” ishon Upa Diosin yoia.