Éxodo 15:15 - Sharanahua: Diospan Tsain

¹⁵ Nan Edom ano icafo aton niaifofo fasi ratucoinshquicani. Moabfo aton niaifofori ratucoincani taritari ishquicani. Nan Cananeofori fasi musucani nantian fasi ato fuso pashicoin iishcani.

Éxodo 15:15 Iomraidhean Croise

Génesis 36:15

Esaú ahuun facu iyoaton Elifaz ahuun funafoan aton anufo Temán non Omar non Zefo non Cenaz non

Génesis 36:16

Coré non Gatam non Amalec. Nanfo niaifofo Edom mai anoafo. Nanfo Ada ahuun funafo.

Génesis 36:40

Nanfo Esaú ahuun funafo. Nanfo mani futsafo ini. Aton anu Timna non Alva non Jetet non

Deuteronomio 2:4

Min yorafo yoihuun isca huaquin, ‘Maton yora futsafo nan Esaú ahuun funafo man aton mai Seir ano samamashta nocoicai. Ascano nanfo matoqui ratucani. Ascafia man atoqui nocoaitian oinfain ato ahuusca huayamacahuun.

Josué 2:11

Ascano nan nicain non fasi ratui taritarica. Nan nicatacai tsoa matoqui nocopaiyama maton caifofo rutushcaquin. Mun tapia maton Ifo Diosicai tsoan finontiroma. Nantifi nai murannoa iquifain mai anoafori iquina.

Josué 2:24

Yoiquin isca huanifo, —Nan yora Jericó anoafo nocoqui fasi ratucoianfo. Ascan nocon Ifo Diosin nantifi nan mai noco inanshquin nocona inon, —ishon nan rafutan aton caifo yoinifo.

Josué 2:9

Ascashon ato yoini isca huaquin, —Mun tapia maton Ifo Diosin nocon mai min caifo inain. Uhuun caifo min caifoqui ratucoian. Nantifi uhuun mai anoafo fasi matoqui musucani.

1 Samuel 14:16

Nantianri Saúl ahuun ranushumua cushumisifoan Gabaa nan pushu rasi Benjamínfo mai anoshon oinnifo Filisteofo aton ranushumuafo ichofoanfafainnaiton Israelifoan oinnifo.