Éxodo 15:14 - Sharanahua: Diospan Tsain

¹⁴ Nan min noco iyoai cusca mani futsafoan nicacani fasi ratucoinshquicani. Filisteofori ratucoinshquicani. Ascashu aton nomuran fasi omitsiscashcani.

Éxodo 15:14 Iomraidhean Croise

Números 14:14

Nan mai shara icafoannoshon mihuunoa nicamisifo. Min no fu imisi cuscan nan yorafoan nicamisifo. Man mia yora futsafoan nica min noco ashoan cusca. Min nai coinmanhuan rufofo noco iyoshonaino acachori non shafata cani. Ascanori yamu chii urumanhuanri noco iyoshoni. Nan manifotiton min noco ashoain cusca nicamisifo.

Josué 10:2

Ascano nan niaifo futan ahuun yorafoanri nicacani fasi ratucoinnifo. Gabaonitafoan aton pushu rasi anunifo Gabaon. Nanno niaifo patasharinnoafo ichaparasi ini. Nannori yora ichapacoin. Hai anoafocai ichapa inima. Gabaón ano fasi paratama yora ichapacoin ini. Aton ranushumuafo fasi mutsisipacoin yora rutuqui tapicoianfo ini.

Josué 2:11

Ascano nan nicain non fasi ratui taritarica. Nan nicatacai tsoa matoqui nocopaiyama maton caifofo rutushcaquin. Mun tapia maton Ifo Diosicai tsoan finontiroma. Nantifi nai murannoa iquifain mai anoafori iquina.

1 Samuel 4:7

Nan nicacani fasi ratucoinnifo. Yoiquin isca huanifo, —¡Ohua! Israelifo icano aton Diosi futsa nocoa. Natiafin non ahuara chaca finoincain. Ascara ahua tsoan oinyomisima cuscaran.

1 Samuel 4:8

¡Ohuashta! ¿Nonmun ahuuscatiroquin? ¿Tsoan noco numatiromun? Nan icafoanno aton Diosin curushcoin nocoa. Nan Diosi tsoa istaipama anoshon Egipciofo pau isincoin fuchimanano nai futsunifo.