Éxodo 14:26 - Sharanahua: Diospan Tsain

²⁶ Ascano nocon Ifo Diosin Moisés yononi isca huaquin, —Min mucu unuhuan manaon mushanhuun. Min mushaino unuhuan afanan nantio ositanon. Nantifi Egipciofo non aton caballofoya ahuun taramutiyafo nantifi asain futsunonfo, —ishon Diosin Moisés yononi.

Éxodo 14:26 Iomraidhean Croise

Éxodo 1:22

Ascashon Egipciofoan aton niaifoan Faraón nantifi ahuun caifofo ato yononi isca huaquin, —Hebreofo aton facu furonanfacufo rama cainyaifo ato unu Nilo muran potacahuun asanonfo. Ascan shotocofacufo unu muran potayamacahuun ninonfo, —ishon ato niaifo Faraón yononi.

Éxodo 14:16

Ascano min poquiti unuhuan manaon susohuun. Min susoaino ununhuan pashcanantanaino min non nantifi min yorafoan mai mutotanaino pocufainonfo.

Éxodo 15:1

Natian Moisés fu Israelifo nocon Ifo Diosihuunoa shinansharai cusca fanainquin iscanifo, —Unfin nocon Ifo Diosi fanainsharashonicai. Tsoa futsacai a cuscara sharama. Nantofin nantifi finoncoianquin. Nantifi Egipciofoan aton caballofo non aton taramuti acamaqui tsaoafo unuhuan muran man min asamana.

Éxodo 15:4

Nan Faraón ahuun taramutiyafo non ahuun ranushumuafo nocon Ifo Diosin ato ununhuan naquishon ato asamanaino Faraón ahuun ranushumuafo nan niaifo patasharinoafori nan fasi tapisharafo nocon Ifo Diosin ato asamanaino man asain futsuafo.

Éxodo 7:19

Ascatan nocon Ifo Diosin Moisés yoini, —Aarón yoihuu ahuun poquiti tsomanon Egipcio ato unu amanaonri susoaino nantifi unufo non shushafo non ianfo non unu pozofori fiananriscatan imicoin iishquin. Nantifi Egipcio mai anoa imicoin iishquin. Nantifi cutifo muranri imi iishquiran, —ishon nocon Ifo Diosin Moisés yoini.

Éxodo 8:5

Ascano nocon Ifo Diosin afanan Moisés yoini isca huaquin, —Min ochi Aarón yoihuu ahuun poquiti Egipciofoan ato unu non shushan non ianhuuri susonon. Asca huaino nanhuurinoashu fushcon huarasi Egipcio maifoti atoqui funon, —ishon Diosin Moisés yoini.

Mateo 8:27

Ascaiton oin non yoinanni, —Ahuu cuscara nocofunushonmun nocon Ifoan isca huaiquin. Fuuhuan yafi ian nan yoiai cuscan man nishma huaquin, —icashu non yoinanni.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.