Éxodo 14:25 - Sharanahua: Diospan Tsain

²⁵ Diosin yonotanaino Egipciofoan aton taramutiyafo nantifi chacana huaqui futsani pacunonfo. Ato catimacoin huani. Ascaiton oincani Egipciofo yoinannifo, —Non Israelifo achinonma aton Ifo Diosin ato numai. Nanscacun noco taramutifo chacana huaiquin. Non Israelifomaquinoashu fononfocahuun non afanan ato achitiromaran, —icashu Egipciofo yoinannifo.

Éxodo 14:25 Iomraidhean Croise

Salmos 46:9

Maifoti rutunainfoan Diosin ato unumatiro afanan rutunanonfoma. Nantofin aton piacatifo tucufain ashifori ato tucumishtipacushquiquin. Taramutifori cooi futsushquin afanan ahuun rutunanonfoma.

Éxodo 14:14

Shinanchacayamacahuun. Raqui ichoyamacahuun. Diosifin Egipciofo onaintimai cusca man samamashta oincai, —ishon Moisés ahuun caifofo yoini.

Éxodo 14:18

Ascacun nan Faraón non ahuun taramutifoya non ahuun ranushumua nan caballo camaqui camisifo un ato onaintimaitian nantian Egipciofoan tapishcani unfin nantifiton aton Ifo Diosiquin. Tsoa futsacai ua cuscara sharama. Ascashofin ua tapitirofoquin, —ishon nocon Ifo Diosin yoini.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 15:3

Nocon Ifo Diosifin noco cushumisiquin. Futsafoan noco chaca huapaiyaiton nanton ahuun curushhuunshon nocomaquinoa yora chacafo potatiro noco ahuusca huanonfoma. Nanton ahuun anufin Ifo Diosiquin.

Deuteronomio 1:30

Non caitian nocon Ifo Diosin noco rucu cashoicai. Nantonfin yora futsafo nan mai shara anoshon noco caimashotiroquin ato cuyoshquin. Egipciofohuunoa man oinni cusca nanscarifiai na mai shara anoshori noco ahuamamishti huashoshquin nan yora futsafoan noco ahuusca huanonfoma.

Deuteronomio 3:22

Ascacun atoqui ratuyamahuun. Nocon Ifo Diosin nanfo mia ato cuyoshoshquin,” ishon un Josué yoini.

Josué 10:14

Tsoancai ascara oinyomisima. Afananricai ascamisima. Rato nocofunucai Ifo Diosi cufianno fari yafi oshu nitumanima. Icon nocon Ifo Diosin Israelifo noicasmaifo ato rutumaqui cuyoni.