Éxodo 14:22 - Sharanahua: Diospan Tsain

²² Unuhuan pashcatanaino ocuma futsa unu cuhuiacua nan cunu cuscaran ini. Ocuma futsari nanscara cuhuiacua cuyacoin ini. Ascano nan unu cuhuiacua rafu nushmancayan Israelifoan mai mutotanaino pocufainnifo.

Éxodo 14:22 Iomraidhean Croise

Éxodo 14:29

Ascano Egipciofo asataifoma nan unuhuan pashcatanaino ocuma rafu nan cunu ointsa cuyacoin nan rafu nushmancayan mai mutotanaino Israelifoan pocufainifo.

Éxodo 15:19

Ascano Israelifoan ununhuan pocufainnifo nocon Ifo Diosin yonoa cuscan mai mutotanaino nantifiton pocufainnifo. Ascano Faraón ahuun caballofo non ahuun taramutifo non ahuun ranushumua nan taramutifo muran fomisifo Israeli cachori pocufaipaiyaifoan nocon Ifo Diosin yonoa cuscan ato unuhuanun fupoqui futsaino asain futsunifo.

Éxodo 15:8

Min ununhuanqui ashaintaquin pashcanan huatanaino nushmancayan mai muto iriscatanaino ocuma rafu ununhuan cuhuiacua nan cunu cuya cuscaran rafu. Nan rafu nantio rafu pashcanantana.

1 Corintios 10:1

Uhuun yoramishtichin tapicahuun. Nocon shunifo Egipto anoashu fonifo. Ascatari Dios atoqui nai coinmahuan cuyama shara fotomapacufoanni tapinonfo atofu ica. Nantifi nocon caifo Israelifo nai coin cai cuscan acho fonifo. Diosin nan coinhuunshon ato iyopaiyaiquiri ato iyoni. Ian mahuanun ahuun anu Oshin ano nocotoshinifo. Ascashori nantifi nocon caifo Israelifo Diosin ato ian mahuan nushmancayan rafu ocuma rafu unufiano nan nushmancayan mai muto huatanaino ahuun pocufainifo.

Hebreos 11:29

Ascacun Israelifoan Dios icoinra huanifo. Ascan nan unuhuan anunifo isca huaquin, —Unuhuan Oshinran, —ishon anunifo. Ascashon nan unuhuan oshin pocufainifo. Upa Diosin unuhuan nushmancayan mai muto sharacoin ato huashoriscatanaino Israelifoan pocufainaifoanno ato cachiori Egipciofoan ato rutupaiquin ato mufainifo. Arifi ato futan pocupaicaquin. Ascashu man nushmancayan caiyainfoan Diosin atoqui unuhuan tiiantanaino asai futsunifo.

Josué 3:17

Ascan nantianri nan Israelifohuunshon nocon Ifo Diosi cufinmisifo unu Jordán nushmancayan mai mutoano nan cashoya ninifo. Nanno niyoafoanno nantifi Israelifoan pocufainquin ato finonfainnifo. Ascano nannoshon nan Israelifohuunshon cufinmisifoan niishon manayonifo nantifi aton caifofo unu Jordán ocuma futsa nocosharanonfo.

Josué 4:22

Ascaiton aton apafoan cumatiro isca huaquin, “Maton shunifoan unu Jordán ano mai mutotanaino pocufainnifo,” ishon apafoan cumatirofo.