Éxodo 14:21 - Sharanahua: Diospan Tsain

²¹ Ascano nantian Moisés unuhuan manaonri mushaino samamashta Diosin nihuunhuan fari oaiquirinoashu nihuu curushupacoin nocoriscatanaino ununhuan pashcanan rafutani. Ascano Diosin unuhuan nushmancayan rafu mai mutomariscatani.

Éxodo 14:21 Iomraidhean Croise

Génesis 8:1

Ascano Noé yafi nantifi yoinafo a fu ahuun shashohuan muran icafo Diosin atohuunoa shinanni. Ascashon Diosin unu fumancayan fuu fumani. Nan fuuhuanun unu nasha huaquin tau huani.

Éxodo 14:16

Ascano min poquiti unuhuan manaon susohuun. Min susoaino ununhuan pashcanantanaino min non nantifi min yorafoan mai mutotanaino pocufainonfo.

Éxodo 14:20

Ascano nantian nan nai coinmanhuan Egipcio aton ranushumuafo yafi Israelifo nushumancaya ato nastuicoin ato shutirisca huatanainocai Egipciofoan afanan ato ointiro inima. Nai coinmanhuan faquishcoin itanainocai afanan tsoan Israelifo ointiro inima. Ascafiano nan Israelifoanno cai faquish itamarocon ato ano shafa sharacoin ini. Nan yamutishon Egipciofoan oianfo nai coinmanhuan faquishi huacoin ini. Nantianri nan nai coinmanhuan Israelifo chashashoni oinsharanonfo. Ascanocai Israelifoqui nan yamutishon ato chaimashta ifiashucai Egipciofo atoqui nocotirofo inima.

Éxodo 15:8

Min ununhuanqui ashaintaquin pashcanan huatanaino nushmancayan mai muto iriscatanaino ocuma rafu ununhuan cuhuiacua nan cunu cuya cuscaran rafu. Nan rafu nantio rafu pashcanantana.

Éxodo 7:19

Ascatan nocon Ifo Diosin Moisés yoini, —Aarón yoihuu ahuun poquiti tsomanon Egipcio ato unu amanaonri susoaino nantifi unufo non shushafo non ianfo non unu pozofori fiananriscatan imicoin iishquin. Nantifi Egipcio mai anoa imicoin iishquin. Nantifi cutifo muranri imi iishquiran, —ishon nocon Ifo Diosin Moisés yoini.

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Josué 2:10

Man non nica man Egipcio mai ariashu fuaitian ununhuan ahuun anu oshin man pocuataima maton Ifo Diosin unu pashcanan huashon mai mutomatanaino man ununhuan pocusharafainni. Amorreofoan niaifo rafu Sehón yafi Og unu Jordán fari oaiquiri icafo man rutuni cuscan man non nicamisi. Aton yorafoya man ato rutuquin cuyoni.

Josué 3:17

Ascan nantianri nan Israelifohuunshon nocon Ifo Diosi cufinmisifo unu Jordán nushmancayan mai mutoano nan cashoya ninifo. Nanno niyoafoanno nantifi Israelifoan pocufainquin ato finonfainnifo. Ascano nannoshon nan Israelifohuunshon cufinmisifoan niishon manayonifo nantifi aton caifofo unu Jordán ocuma futsa nocosharanonfo.

Josué 4:23

Nocon Ifo Diosin nocohuunshon unu Jordán nutsoriscatani non nantifishon pocufainon. Nan ununhuan oshin noco nutsomashoni cuscari nan unu Jordán nanscarifi huaquin noco nutsoshoriscatani.