Éxodo 14:16 - Sharanahua: Diospan Tsain

¹⁶ Ascano min poquiti unuhuan manaon susohuun. Min susoaino ununhuan pashcanantanaino min non nantifi min yorafoan mai mutotanaino pocufainonfo.

Éxodo 14:16 Iomraidhean Croise

Éxodo 14:15

Ascashon nocon Ifo Diosin Moisés yoini isca huaquin, —Afanan ua cufintama min caifofo yoihuun fononfo.

Éxodo 14:26

Ascano nocon Ifo Diosin Moisés yononi isca huaquin, —Min mucu unuhuan manaon mushanhuun. Min mushaino unuhuan afanan nantio ositanon. Nantifi Egipciofo non aton caballofoya ahuun taramutiyafo nantifi asain futsunonfo, —ishon Diosin Moisés yononi.

Éxodo 17:5

Cufinquin asca huaiton nicaquin nocon Ifo Diosin cumani isca huaquin, —Niaifo patasharinoafo nan toquiri uhuapa machi Horeb ano ato iyotahuun. Nan min poquitinin min unu Nilo tsacaita cusca nan min poquitiri fotahuun.

Éxodo 17:6

Nannoshon nan machi Horeb anoshon un mia manaicai. Min poquitinin na toquiri uhuapa tsacahuu. Min tsacaino toquiri murannoashu unu afanon nantifi min caifofoan ayanonfo, —ishon nocon Ifo Diosin Moisés yononi. Ascano nan niaifo patasharinoafoan ato ointaifi nocon Ifo Diosin yonoai cusca Moisés huani.

Éxodo 4:17

Natian min poquitiya catahuun un mia yonoai cusca huaquin min poquitihuunshon min ahuamamishti yoran atiroma cusca huaquin min yorafo ismashquiran, —ishon nocon Ifon Diosin Moisés yoini.

Éxodo 4:2

—¿Minmun ahua tsomaquin? —ishon nocon Ifon Diosin Moisés yocaiton. —Uhuun poquitiran, —ishon cumani.

Éxodo 4:20

Nannori yoiaiton nicaquin Moisés ahuun ahuin non furun rafu burro camaqui ato iyoni Egipcio mai ano ato fu iishquin. Diosin nan ahuun poquitihuunshon tsoan atiroma cusca huashoita cusca nan Moisés ahuun poquiti tsomani.

Éxodo 7:19

Ascatan nocon Ifo Diosin Moisés yoini, —Aarón yoihuu ahuun poquiti tsomanon Egipcio ato unu amanaonri susoaino nantifi unufo non shushafo non ianfo non unu pozofori fiananriscatan imicoin iishquin. Nantifi Egipcio mai anoa imicoin iishquin. Nantifi cutifo muranri imi iishquiran, —ishon nocon Ifo Diosin Moisés yoini.

Éxodo 7:9

—Faraón mato yoiquin isca huashquin, “Diosin mia nichicun ua ahuamamishti ismahuu un icoinra huanon,” ishon mato yoiaiton Aarón min poquiti ahuun ointaifi mai ano potahuun. Min ascahuaino min poquiti rono oniriscatashquiran, —ishon Diosin yoini.

Números 20:11

Asca huatan Moisés poquitinin toquirininhuan tsacaquin rafu huani. Asca huatanaino unu ichapacoin afani. Ascaino nantifi Israelifo non aton inafoanri ayacani mayacoinifo.