Éxodo 14:13 - Sharanahua: Diospan Tsain

¹³ Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Éxodo 14:13 Iomraidhean Croise

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 46:3

—Unfin Diosiquin. Un min upan ahuun Diosin. Min natian Egipcio ari catiro. Nanno un mia ashoshqui ai cuscan min funafo ichapa rasi cainnonfo. Min funafo mani futsafoti ichaparasi ishquicani. Ascacun ratuquima min Egipcio ari catiro.

Génesis 49:18

Uhuun Ifon Diosin, min ua numatiro un mi fu nipanon.

Salmos 91:8

Icon ahuara chacacai nocoqui nocotiroma. Asca nan ahuara chaca huamisifo nocon Ifoan ato onaitimaiton non ointiro.

Éxodo 14:30

Nan shafata nocon Ifo Diosin Israelifo numani Egipciofoan ato rutunonfoma. Ascano nantian Israelifoan Egipciofo naafo aton cayafo unuhuan cusumunnoa oinnifo.

Éxodo 20:20

Nannori yoiaifoan nicatan Moisés ato cumani isca huaquin, —Ratuyamacahuun. Diosin matoqui oaquin man ahuun tsain nicacoinshon man tapinon. Man aqui ratuai cusca chaca huayamacahuun, —ishon Moisés ato yoini.

Números 14:9

Ascacun nocon Ifoan noco yonopaiyai cusca potayamacahuun. Ahuun tsainri icoinra huacahuun. Nan mai ano yorafo icafoqui ratuyamacahuun. Nonfin ato finontiroquin ato rutuqui futsashquin. Nocon Ifo Diosin no fu ica. Nanscacun nanfoancai noco ahuusca huatiroma nococai tsoan rutuima. Ascacun ratuyamacahuun, —ishon Josué futan Caleb ato yoini.

Mateo 28:5

Ascaiton Diospan oinmatinin afu nai muran icaton María rafu yoini, —Ratuyamacahuun. Mun tapia man Jesús funai yoa. Jesús man mastafiaitafo natian nunoma. Mato yoimisi cuscan man funia. Oin fucapon quini muran. Nan racaitano.

1 Samuel 11:13

Nannori yoifiaifoan Saúl ato yoiquin isca huani, —Nonfin Israelifoquin. Na shafata nocon Ifo Diosin noco numa. Ascan noncai tsoa futsa rututiromaran, —ishon Saúl ato yoini.

1 Samuel 12:16

Natian nunoshon manayocahuun nocon Ifo Diosin ahuamamishti huatiro cuscan mato ismanon.