Éxodo 14:10 - Sharanahua: Diospan Tsain

¹⁰ Israelifo Faraón yafi ahuun yora Egipciofo chaimashtacunoa fuchitan fasi ratucoinnifo. Ascashon oi ashcafinin nocon Ifo Diosi cufinnifo ato numanon.

Éxodo 14:10 Iomraidhean Croise

Salmos 107:13

Nanscara muucaquin nocon Ifo Diosi cunanifo isca huaquin, —Ifon, non fasi omitsiscaicain. Noco shinanfain noco numapun, —ishon yoiaifoan Ifo Diosin ato numani. Ato asca huaino afanancai tsoa omitsiscanifoma.

Salmos 107:19

Nanscai omitsiscacaquin nocon Ifo Diosi cunanifo isca huaquin, —Nocon Ifon, man non nai omitsiscaicain. Nocon numapun, —ishon cunanifo. Cunaquin asca huaifoan ato numani afanan omitsiscanonfoma.

Salmos 107:28

Ascashu omitsiscacaquin nocon Ifo Diosin cunanifo isca huaquin, —Ifon, man non asain futsuicai. Nocon numapun, —ishon oiashcafinin cunaquin yoinifo. Asca huaifoan nocon Ifo Diosin ahuun tsainmansi fuu nishma huafain fuchomanhuanfiain afanancai furo inima nan ununhuan pusiquima racani.

Salmos 107:6

Ascashon nocon Ifo Diosi cunanifo isca huaquin, —Ifon, man non omitsiscai naicai. Noco numapun, —ishon cunanifo. Ascaiton ato numani afanan omitsiscanonfoma.

Salmos 34:17

Ahuun yorafoan cufiainfo cuscan Ifo Diosin nicaquin ato ashoi. Nanfoan ahuara chaca finoainfoan nantifi atohuunoa Ifo Diosin ato numai.

Éxodo 13:17

Nan Faraón Israelifo Egipcio mai anoshon nichiaitian nocon Ifo Diosin shinanquin isca huani, —Na maifin Un Israelifo inaincai un ato cayacafi nanno ato iyoaitian Filisteofo mai ano nocotirofo. Nanno nocoaifotian Filisteofoan ato rutupaiyaifoanno ratucani Egipcio mai ano nasotirofo. Ascacun un ato cayacafi iyotamarocon un ato fai futsa iyoshquin.

Éxodo 15:25

Nantian Moisés nocon Ifo Diosi cufinquin isca huani, —¿Ifon, unmain ahuusca huatiroquin? Ua tapimahuun uhuun caifoan unu ayanonfo, —ishon nannori cufiainno. Nantian Diosin Moisés ihui poyan ismani. —Nan fishon unu muran potaino unucai afanan moca itamarocon fata sharacoin ishquiran, —ishon nocon Ifo Diosin yoini. Diosin yoia cuscan Moisés ihui poyan unu muran potaino unu fianananriscatani afanancai moca inima. Ascano nannoshon nocon Ifo Diosin Israelifo yoiquin isca huani ahuun tsainmain nicacanicain oinshquin nannori ato tapimani,

Josué 24:6

Un mato shunifo Egipcio mai anoshon ihuuni ununhuan oshin ano noconifo. Ascan Egipciofoan aton caballofo non aton taramutifoyashon ato mufaini ununhuan oshi ano atoqui noconifo.

Josué 24:7

Ascan maton shunifoan ua fasi cufinnifo un ato numanon. Ascano un ato yafi Egipciofo faquishihuan nushmancayan huashoni Egipciofoan ato oinnonfoma. Ascashon un unuhuan oshi muran Egipciofo asamani nai futsunonfo. Un Egipciofo asamani cuscafin man man oinniquin. “Ascano man fari ichapa tsoa istaipama ano iyopaoni.

1 Juan 4:18

Noco noiai tapiashucai non ratutiroma. Non noiyamashu, —Upa Diosin ua onaintimairan, —icashu non ratutiro. Tsoan anori shinaincai Diosin noco noiai cuscan aima. Ascafiashu Diosin noco noiai cuscan aquin non ratu potatiro.