Éxodo 13:9 - Sharanahua: Diospan Tsain

⁹ Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Éxodo 13:9 Iomraidhean Croise

Éxodo 12:14

Ascacun nan faritifi nan shafan nocoaino man shinantiro. Maton fusiti shafa icaitian un mato finonmani cusca man shinantiro. Ascashon uhuunnoa shinanquin nan shafatan unimayanan man pitiro. Ascano maton funafoanri faritifi un mato shara huani cusca shinancanicai uhuunoa ointi aquimapacunacafoma.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Éxodo 13:16

Ascacufin nan fusiti shafa nocon onanti cuscaran itiroquin. Maton mucu iyamarai maton fumananqui man cunui futsucun mato onantiro. Nanscarifiaquin nan fusiti shafahuunoa man shinantiro nocon Ifo Diosin ahuun curushhuunshon noco Egipcio mai anoshon iyoni. Nan fusiti shafahuunoa Diosin noco ashoni cusca non ointiaquimapacunacama. Nantifi manifoti anoafoan tapitiro non Diospan yorafocun, —ishon Moisés yoini.

Éxodo 13:3

Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 3:20

Nan un ahuamamishti huai cuscan un ato oinmashquicai. Ascaiton oin uhuunnoashu nan aa non ahuun yorafo omitsiscaifo cuscan. Un ahuun caifofo namashquiai cusca oinquin aton niaifoan mato nichishquin.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Daniel 9:15

Nocon Ifon Diosin, min curushhuunshon min nocon shunifo Egipcio mai anoa min ato ihuuni. Min ahuamamishti ato ismapaonihuunshon nantifi caifo futsafoan mihuunoa nicamisi. Nantianri min anu nicamisifo. Ascan nonrifi non mia chaca huamisi.

Mateo 23:5

Ascashon nanfoan acaifo cuscan futsafoan yoiqui isca huacani, “Nanfofin sharaquin,” ato huamapaicani. Diosin tsain fichiqui cunushon fumananqui nutafain ato sahuuti poyan ocuma rafu nutafain sahuuti chainipari sahuuafo.

Romanos 10:8

Anorimaquin. Man Cristo icoinra huaiton mato numatiro. Nannori non mato yoimisi. —Mancai raqui cayotiroma Cristo fu ishquin. Natian man Cristo yoitiro matofu rafunon. Maton nomuranri man icoinra huacun matofu rafutiroran, —ishon Moisés cununi.

Deuteronomio 30:14

—Ascatamarocon nocon Ifo Diosin mato yonoa cusca man aya. Mato yonoa cusca man yoitiro. Maton nomuranshon mato yonoa man man tapia. Nan mato yonoa cusca man anon, —ishon Moisés ahuun caifo nan Israelifo yoini.

Deuteronomio 6:21

Ato cumaquin isca huacahuun, “Nonfin Egipciofoan aton niaifo Faraón ahuun yonomatifo ipaoniquin. Ascacun nocon Ifo Diosin ahuun curushhuunshon ato mai arishon noco ihuuni.

Deuteronomio 6:6

Un na shafatan mato yonoai cusca yoihuun isca huaquin, “Nocon Ifo Diosin ua yonoa cusca shafatifi un ashoincain. Uncai ahuara futsa shinanshquimaran,” ishon maton nomuran nannori shinancoincahuun.

Deuteronomio 6:8

Diospan tsain maton mucuqui munushumucain mato fumananquiri funushumucahuun afo ointiaquimashcaquima.