Éxodo 13:8 - Sharanahua: Diospan Tsain

⁸ Ascashon nan siete dia oshatan fusititian maton facufo man tapimatiro ahuuscamain man misi farashati maisi picain. “Nantian nocon Ifo Diosin Egipcio mai anoshon noco ihuuriscani. Ascacun non misi farashati maisi nantian non pitiro nan noco ihuuriscani cuscan shinantaquiran,” ishon ato yoicahuun.

Éxodo 13:8 Iomraidhean Croise

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Efesios 6:4

Natiantan un apafori yoisharapai. Maton facufoqui tsain chipuyamafain curushcain yoiyamacahuun. Man tsain isininpaton ato yoiaino matoqui sinatirofo. Asca huaquimarocon ato tapimasharacahuun chaca huanonfoma. Nocon Ifon Jesús nocohuun noiai cuscan maton facufo yosisharacahuun noco Ifo tanasharanonfo.

Deuteronomio 6:20

Chipo maton facufoan mato yocaquin isca huai, “¿Nocon Ifo Diosin noco yononi cusca ahua noco yoipaimun?” ishon mato yocaifoan.