Éxodo 13:3 - Sharanahua: Diospan Tsain

³ Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 13:3 Iomraidhean Croise

Génesis 15:16

Min facufo yafi min shotafo ahuun facufori nuno mai ano nasoshquicani. Mai futsa anoashu fuushcani min nuno icano nan min funafoan ahuun mairi nuno iishquin. Ascano nantia nan Amorreofo fasi chacafo nuno min mai ano iishcani. Ascacun min funafohuunshon nan Amorreofo un ato onaintimashquiran, —ishon nocon Ifo Diosin Abram yoini.

Éxodo 12:15

Ascano nan fusititian siete dia oshatan misi farashati maisi piishcani. Nantiancai maton pushu muran misi faranshati man huatiroma. Nan ratoran futsan na siete dia oshatan misi farashatiya piiaiton man potatiro. Afanan mato fu inonma.

Éxodo 12:17

Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 12:19

Ascano nan siete dia oshatan misi farashati maton pushu muran huayamacahuun. Ratora futsan nantian misi farashatiya piainocai afanan maton yora itiroma. Ascatan maton caifoma iyamarai maton caifoan misi farashati piashucai afanan mato caifo Israelifo fu itiroma. Ascano mato anoa nan yora potacahuun.

Éxodo 12:2

—Nan na oshu taui matona fasi shara finacaia. Nan fari tauaitianri mato oshu nanscasi apanaca.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 12:42

Ascano nan yamutan nocon Ifo Diosin Israelifo cushusharani Egipcio mai anoashu fosharatanonfo. Ascano nan faritifi Israelifoan nocon Ifo Diosin ato shara huani cusca shinanmisifo.

Éxodo 12:8

Ascano nan yamutan nantifi chashoanun facu ahuun nami tsoishon piifain nan fana futsa focashcoinri pifain misi faranshati maisiri picahuun.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Éxodo 13:9

Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Éxodo 20:2

—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.

Éxodo 20:8

Uhuunoa sabadotifi shinancahuun. Ua ointiaquimayamacahuun. Nan shafata uhuunoa fusti man shinantiro.

Éxodo 3:20

Nan un ahuamamishti huai cuscan un ato oinmashquicai. Ascaiton oin uhuunnoashu nan aa non ahuun yorafo omitsiscaifo cuscan. Un ahuun caifofo namashquiai cusca oinquin aton niaifoan mato nichishquin.

Éxodo 6:1

Ascano afanan nocon Ifo Diosin Moisés cumani isca huaquin, —Un Faraón onaintimai cusca min natian oincai. Uhuun curushhuunshon Faraón min yorafo Egipcio mai anoshon nichishquin.

Éxodo 6:6

Ascacun min caifo Israelifo ua ato yoishohuun isca huaquin, “Unquian mato Ifo Diosin. Unfin Egipciofo uhuun yono ismaicai. Un ahuamamishti huatiro cuscafin man oincain. Nantiancai afanan man curushcai yonoima. Afananricai tsoa aton yonomatifo iquima. Unfin mato numaicai. Ascashon Egipciofo un ato onaintimacoin uhuun curushhuunshon man ato mai anoshon un mato nichishquin.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Daniel 9:15

Nocon Ifon Diosin, min curushhuunshon min nocon shunifo Egipcio mai anoa min ato ihuuni. Min ahuamamishti ato ismapaonihuunshon nantifi caifo futsafoan mihuunoa nicamisi. Nantianri min anu nicamisifo. Ascan nonrifi non mia chaca huamisi.

Mateo 10:12

Ascatan ahuun pushu muran icaquin nan pushu ano icafo ato yoiquin isca huacahuun, “¡Aicho! Min pushu muran non oiran,” huacahuun.

Lucas 22:19

Asca huatan Jesús misi finifoan afanan Apa cufiyoni, —¡Aicho! Upan, —huatan. Torupacushon atoti inanqui afanan ato yoini, —Naafin uhuun caya cuscaraquin. Un nantifi yorafohuunoashu nai. Ascacun nan man piaitian ua shinanfafaicahuun, —ishon ato yoitan.

1 Corintios 5:8

Ascashon non chaca huapaoni cuscacai afanan non shinantama Cristo ahuun ointi cuscara shara non iishquin. Ahuun tsain shara non shinanon. Futsaqui afanan shinanchacayamafain tsoa afanan parayamafain tsain iconcoin fusti non yoinon.

Efesios 1:19

Diosin ahuun curushhuunshon tsoan oinyomisima cuscara ahuamamishti noco ashotiro. Nan ahuun curushpan Cristo naitian afanan funimani afu nai ariashu niaifocoin inon. Nan Upa Dios icarishon Cristo nantifi niaifofo finoncoian. Nan natian niyoafo yafi inonpacoaifori non nantifi mai anoa icafoti non nai muran icafotiri Jesús ato finoncoianquin.

Deuteronomio 4:34

Upa Diosin mato ashomisi cuscacai ahuara rami huafoan mato ashotiroma. Upa Diosin mato Egipcio anoshon iyoni. Futsafoan mato chaca huafiaiton Diosin mato numa. Aafin mato ahuamamishti ismapaoniquin. Aafin mato oinmamisiquin ahuamamishti huatiroshaquin. Tsoa futsa atiroma cusca nocon Ifo Diosin mato ismamisi. Nantififain man man oinmisiquin. Man ahuara rami huatocai Diosin mato ashomisi cusca mato ashotiroma.

Deuteronomio 6:12

Ascacun oinfain. Mayancoinshocai afanan ahua man yopaima. Ascacun nantian nocon Ifo Diosi ointiaquimayamacahuun. Man Egipciofoan ato yonomati iyopaonitian nocon Ifo Diosin mato numani aton mai arishon nuno mato ihuua.

Deuteronomio 6:21

Ato cumaquin isca huacahuun, “Nonfin Egipciofoan aton niaifo Faraón ahuun yonomatifo ipaoniquin. Ascacun nocon Ifo Diosin ahuun curushhuunshon ato mai arishon noco ihuuni.

Josué 24:17

Nocon Ifo Diosin noco yafi noco shunifo nan mai Egipcio anoshon noco ihuuni. Egipcio mai anoashu non fasi omitsiscapaoni aton yonomatifo non ipaoni. Ascacun nocon Ifo Diosin noco Egipcio mai anoshon noco numani. Nocon Diosin ahuamamishti tsoa futsa atiroma cuscan noco ismani. Non Egipcio anoashu nuno non oaitian caifo futsafo aton maifo finon fuaiton nocon Ifo Diosin nantishotapiquin noco cushusharamisi.