Éxodo 13:16 - Sharanahua: Diospan Tsain

¹⁶ Ascacufin nan fusiti shafa nocon onanti cuscaran itiroquin. Maton mucu iyamarai maton fumananqui man cunui futsucun mato onantiro. Nanscarifiaquin nan fusiti shafahuunoa man shinantiro nocon Ifo Diosin ahuun curushhuunshon noco Egipcio mai anoshon iyoni. Nan fusiti shafahuunoa Diosin noco ashoni cusca non ointiaquimapacunacama. Nantifi manifoti anoafoan tapitiro non Diospan yorafocun, —ishon Moisés yoini.

Éxodo 13:16 Iomraidhean Croise

Éxodo 12:13

Ascan man maton pushu caincaiti imin raishaca oinquin un tapitiro un mato yoia cusca man aa. Ascano nan imi oinquin un mato pushu ano finonfainnicai maton furun iyoafofocai un namaima. Un Egipciofo onaintimai cuscacai un mato onaintimaima. Uncai mato ahuusca huaima.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Éxodo 13:9

Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Éxodo 6:1

Ascano afanan nocon Ifo Diosin Moisés cumani isca huaquin, —Un Faraón onaintimai cusca min natian oincai. Uhuun curushhuunshon Faraón min yorafo Egipcio mai anoshon nichishquin.

Éxodo 6:6

Ascacun min caifo Israelifo ua ato yoishohuun isca huaquin, “Unquian mato Ifo Diosin. Unfin Egipciofo uhuun yono ismaicai. Un ahuamamishti huatiro cuscafin man oincain. Nantiancai afanan man curushcai yonoima. Afananricai tsoa aton yonomatifo iquima. Unfin mato numaicai. Ascashon Egipciofo un ato onaintimacoin uhuun curushhuunshon man ato mai anoshon un mato nichishquin.

Daniel 9:15

Nocon Ifon Diosin, min curushhuunshon min nocon shunifo Egipcio mai anoa min ato ihuuni. Min ahuamamishti ato ismapaonihuunshon nantifi caifo futsafoan mihuunoa nicamisi. Nantianri min anu nicamisifo. Ascan nonrifi non mia chaca huamisi.

Mateo 23:5

Ascashon nanfoan acaifo cuscan futsafoan yoiqui isca huacani, “Nanfofin sharaquin,” ato huamapaicani. Diosin tsain fichiqui cunushon fumananqui nutafain ato sahuuti poyan ocuma rafu nutafain sahuuti chainipari sahuuafo.

Hechos 13:17

Nonfin Israelifoquin. Upa Diosin nocon shunifo catonni ahuun yorafo inonfo. Egipto ano iyoshon ato shara huani. Ahuun curushhuunshon Egipto anoshon ato iyoni.

Deuteronomio 11:18

Un mato nocon Ifo Diospan tsain tapimana cusca maton nomuran shinancoinfafaincahuun mato yonoa cusca aashcaquin. Nan maton yonoa cusca cunucahuun maton mucuqui munushumucain maton fumananquiri funushumucahuun ointiaquimashcaquima.

Deuteronomio 6:21

Ato cumaquin isca huacahuun, “Nonfin Egipciofoan aton niaifo Faraón ahuun yonomatifo ipaoniquin. Ascacun nocon Ifo Diosin ahuun curushhuunshon ato mai arishon noco ihuuni.