Éxodo 13:15 - Sharanahua: Diospan Tsain

¹⁵ “Non Egipcio mai ano iyopaonitian nan aton niaifo Faraoncai nocohuun ramapainima. Ascatari nocon Ifo Diosin yoiai cuscari Faraón nicacasmapaoni. Ascano nocon Ifo Diosin nantian Egipciofo aton furun iyoafofo nantifi namaquin futsani. Aton inapan facu funufo taunifo namaquin futsani. Nanscacufin faritifi nocon fusititian non nocon Ifo Diosin nantifin nocon inafo funu taunifo inainquin. Ascafiashon nocon facu iyoafofo non afanan ihuitiro. Ascano nocon facufo aton rututamarocon non chashoanun facu rututiro nocon Ifo Diosi ismashquin nan noco Egipcio mai anoshon numaniran,” ishon maton facufo man yoitiro.

Éxodo 13:15 Iomraidhean Croise

Éxodo 12:29

Ascano nan yamunacahuanaino nocon Ifo Diosin nantifi Egipcio ato furun iyafofo namani. Nan niaifo Faraón ahuun furun non Egipciofoan aton furun nan cunu muran iquimanifo non nantifi Egipcio aton inapan facu iyoafofo nai futsunifo.

Éxodo 3:19

Munfin tapian un Egipcio niaifo uhuun curushu ismayamainocai mato nichicaima.

Éxodo 4:23

Un mia yonoicai uhuun facufo min mai arishon ato nichihuun ua cufinonfo. Nan ua noicoiainfoan ua nicasharai cuscan ua ismanonfo. Nannori un mia yonofiaiton mian nicacasma. Nanfofin uhuun facu cuscarafoquin. Min ato nichi casmai mia anoashu fononfoma. Ascacun chipo un min furun iyoa un namashquiran,’ ” —ishon Diosin Faraón yoini.