Éxodo 12:48 - Sharanahua: Diospan Tsain

⁴⁸ Nan ratoran Israelifomafiashu mato fu ichananpai mato fu fusishquin iquisi aa non nantifi nocofunufo ahuun pushu muran icafo iquisi foshqui rupa shatuyotirofo nan un mato finonmani cuscahuunoa shinanpai nantian mato futan piishquin. Ascashufin nan mato mai anoashu cainni cuscaran itiroquin. Ascan nan ratoran futsan foshqui rupa shatuamacai mato fu fusitiroma chashoanun facu piishquin.

Éxodo 12:48 Iomraidhean Croise

Génesis 17:11

Nanhuunshon man shinantiro un mato yoiyotiani cuscacoin un mato onanti huai. Min non min funafori nanscacoin atirofo.

Génesis 17:12

Ascashu min facufo yafi min funafori caian ocho osha finontan nan furonanfacufo aton foshqui rupa min shatutiro. Min funafori aton facufo aton foshqui rupa shatutirofo. Man asca huaquin man tapitiro un mato yoiyotiani cuscan man nicapaicoin. Min facufo fustima. Nan min oinmatifori min atiro. Ascashon nan min icanoashu cainmisifori min atiro.

Éxodo 12:19

Ascano nan siete dia oshatan misi farashati maton pushu muran huayamacahuun. Ratora futsan nantian misi farashatiya piainocai afanan maton yora itiroma. Ascatan maton caifoma iyamarai maton caifoan misi farashati piashucai afanan mato caifo Israelifo fu itiroma. Ascano mato anoa nan yora potacahuun.

Éxodo 12:43

Nocon Ifo Diosin Moisés yafi Aarón yoini isca huaquin, —Un mato finonmafain numa cusca nan shafatan man fusiaino un mato tapimashquin manmain ahuuscatiroquin. Nantian chashoan cahuashara ahuun namicai mato caifomafoan pitiroma.

Gálatas 3:28

Upa Diosin Cristohuunshon nantifi manifoti anoafo noco nanscarafosi oin. Uhuun caifo Israelifo yafi Israelifoma non yonomatifo yafi yonomatimafori non nocofunu yafi ainfofori nanscarafosi noco oin. Jesucristo noco Ifo icaino non ahuunoashu yora fusti cuscara itiro. Ascan nantifi icoinra huafotifin non ahuun yorafo.

Colosenses 3:11

Non Cristo ifoacun Diosin nantifi nanscarasi huaquin noco oin. Israelifo yafi Israelifoma cunu tapiafo yafi cunu tapiamafori onicoinfo yafi nahuafo non yonomatifo yafi yonomatifomari Diosin nanscarafosi noco oin. Nantifi non Jesucristo ahuun yorafocun. Nan fusti non yopai.