Éxodo 12:39 - Sharanahua: Diospan Tsain

³⁹ Nan Egipciofoan ato nichirisca huaitiancai nan misi farashati maisi Egipcio mai anoashu fonifo. Tsoancai aton tushu pichatiro inima. Nan samamashtacoin ato nichiaifoanno cai tsoan manatiro inima. Ascashon misi farashati maisi fusti pinifo.

Éxodo 12:39 Iomraidhean Croise

Éxodo 11:1

Nocon Ifo Diosin afanan Moisés yoini isca huaquin, —Natianfin un afanan Faraón yafi ahuun caifofo onaintimaicain. Ahuun unutaquin nan fusti un afanan ato onaintimai. Ascaino nan un ato onaintimaino ipaitama Egipcio mai anoshon mato nichishquicani. Ascashon mato yoishquicani isca huaquin, “Nocon mai anoashu fotacahuun,” ishon Faraón mato yoishquin.

Éxodo 12:34

Ascano nantian Israelifoan aton misi farashati maisi fiifain aton misi acamaquishon onihuati muran aton sahuutifo nanushon iyafainnifo.

Éxodo 6:1

Ascano afanan nocon Ifo Diosin Moisés cumani isca huaquin, —Un Faraón onaintimai cusca min natian oincai. Uhuun curushhuunshon Faraón min yorafo Egipcio mai anoshon nichishquin.

Mateo 13:33

Ascan Jesús ahuara futsa ato yoini Diosin nantifi yora iquinai cuscan tapinonfo. Afanan ato yoiqui isca huani, —Diosinmain ahuun yorafo ahuusca huatiroquin un mato tapimai. Diosin ahuun yorafo nantifi ato iquifain ato yonotiro. Ainfoan farashati ichapamashta harinaya osishon camisconano farashinitiro. Nanscarifiai Diospan yorafoan nan icoinra huamafo muranshon nantifi ato shara huatiro, —ishon ato yoini.