Éxodo 12:3 - Sharanahua: Diospan Tsain

³ Nantifi min caifo nan Israeli pushuyafotiton aton apafoan na oshu mucu rafuti osha finontan chashoanun facushta iyamarai cabra uhuapamamishti man fipatiro.

Éxodo 12:3 Iomraidhean Croise

Génesis 22:8

Ascaiton Abraham cumani, —Uhuun facushta, Upa Diosin afin noco chashoanun facu inantiro non coanon non Diosi tanasharashon ismashquin, —ishon Abraham furun yoini. Ascatan nan rafu machi ano fonifo.

Génesis 4:4

Nantiari Abel ahuun chashoan facu cain taua sharashtacoin nocon Ifo inanni. Ascashon Abel inan cuscan oin nocon Ifo Diosin aqui unimacoinni.

Éxodo 12:2

—Nan na oshu taui matona fasi shara finacaia. Nan fari tauaitianri mato oshu nanscasi apanaca.

Éxodo 12:21

Nannori nicatan Moisés Israeli niaifofo ichanan huani ato yoiquin isca huani, —Natian maton yorafo ano fotacahuun nan chashoanun facu cahuashara catoncahuun rutushquin. Ascashon nocon Ifo Diosin noco finonmanaitiancai noco facu iyoafofo namashquima.

Éxodo 12:4

Nan fusti rasi icafo anoshoncai chashoanun facu muma pitirofoma nan ato chaima icafo fu pashcanantirofo nantifishon piishcaquin. Ahuuti yoramainquin pushuti man tanan huatiro. Ahuutifainmain pitirofoquin. Ascashon shinantirofo ahuuti chashoan facumain yopatirofoquin pisharashcaquin.

Éxodo 12:6

Ascatan nan ina facumishti cushusharacahuun. Ascan nan oshu nushmancayan rafu nuuano nan shafatan fari caino nantifi min non min caifofoanri maton inapan facu rutucahuun.

Éxodo 14:15

Ascashon nocon Ifo Diosin Moisés yoini isca huaquin, —Afanan ua cufintama min caifofo yoihuun fononfo.

Éxodo 20:19

Ascashon Moisés yoinifo isca huaquin, —Nocon Ifo Diosin noco yoiyai cusca minfin noco tapimatiro nan noco yoipaiyai cusca non ashonon. Ascan nocon Ifo Diosi afin noco yoiaino non nariscatiroran, —ishon Israelifoan Moisés yoinifo.

Éxodo 4:30

Nan nocon Ifo Diosin Moisés nantifi yoini cusca Aarón ato tapimani. Nantianri Diosihuunshon tsoa atiroma cusca Aarón ato ismani.

Éxodo 6:6

Ascacun min caifo Israelifo ua ato yoishohuun isca huaquin, “Unquian mato Ifo Diosin. Unfin Egipciofo uhuun yono ismaicai. Un ahuamamishti huatiro cuscafin man oincain. Nantiancai afanan man curushcai yonoima. Afananricai tsoa aton yonomatifo iquima. Unfin mato numaicai. Ascashon Egipciofo un ato onaintimacoin uhuun curushhuunshon man ato mai anoshon un mato nichishquin.

Juan 1:29

Ascatan iyoconaino Juanpan Jesús aqui oaiton oinni. Ascanshon yorafo yoini isca huaquin, —¡Oincapon! Nan Diospan Chashoan Cahuashara cuscaracoin oi. Nanton nantifi yorafo nan icoinra huafotisi aton chaca soashonpacunaca.

Juan 1:36

Niafoanno Jesús ato finonfainaiton Juanpan oinquin ato yoini, —¡Oincapon! Nan Diospan Facu Chashoan Facu cuscara, —ishon ato yoini.

Juan 12:1

Ascano seis osha fusitin nocoti chaima Jesús no fu Betania ano cayoni. Nanno Lázaro ica ini. Nan Lázaro naacun Jesús funimani.

Juan 12:12

Man ascano iyoconaino nocon caifofo nocon fusititian yorahuanrasi Jerusalén ano inifo. Jesusrifi nocoaiton nicacani aqui funifo.

1 Corintios 5:7

Ascaiton mato anoshon nan nocofunun chaca huai potacahuun. Ascanofin afanan Jesusqui nasotiroquin tanasharacoinshquin. Cristo Upan Diosin ahuun chashoan cahuashara cuscara noco nashoni non afanan chaca huanonma a cuscara shara non inon.

Josué 7:14

Ascano funamari manifoti uqui fucahuun. Manifoti un oinfain ato murannoa yorafoti un oinfain nocofunufori un nantifi oinshquin.

Apocalipsis 13:8

Ascan nanfoan nantififain nan yoina pofu cuscara noishcani. Ascashon yoiquin isca huashcani, —Minfin nocon Diosiquin, —huashquicani. Ascaifoancai nocon Ifo Jesús aton anu ahuun libro muran cunuima afu nipanonfo. Mai oni huataima Jesús nantifi icoinra huanonpacoaifoan ato anufo ahuun libro muran iquisi cunuyoni afu ipanonfo. Ascashu nan chashoanun facu cuscarashu noco nashoni noco nimapacushquin.

1 Samuel 7:9

Ascano Samuel chashoanun facu rutuni toquirifo putsamuinia camaquishon coani. Ascashon Samuel Israelifohuunshon nocon Ifo Diosi cufiain cuscan nocon Ifoan nicani.