Éxodo 12:28 - Sharanahua: Diospan Tsain

²⁸ Ascatan Israelifo aton pushu ano fonifo nocon Ifo Diosin Moisés yafi Aarón yononi cuscacoin anonfo.

Éxodo 12:28 Iomraidhean Croise

2 Samuel 5:25

Nocon Ifo Diosin yononi cuscan David yafi Israeli ranushumuafo anifo. Gabaón mai aria chaicoincunoa Gezer mai anoa Israeli ranushumuafoan Filisteo ranushumuafo rutunifo.

Éxodo 12:27

“Non Egipcio mai anoashu oaitian nocon Ifo Diosin nantifi Egipcio aton furun iyoafofo namanitian nantianri nocon pushufoti finonmani nocon furun iyoafofocai namanima. Ascano nan shafatan ano fusiaitian chashoanun facu cahuashara non rutunon nocon Ifo Diosi ismafain non fasi unimai noco Egipcio mai anoshon numaniran,” ishon nocon facufo man yoitiroran, —ishon Moisés ahuun caifo niaifo patasharinoafo yoiaino nannori nicacani ratoconun mai chachishon nocon Ifo Diosi cufinyanan ahuunoa yoisharanifo.

Éxodo 12:29

Ascano nan yamunacahuanaino nocon Ifo Diosin nantifi Egipcio ato furun iyafofo namani. Nan niaifo Faraón ahuun furun non Egipciofoan aton furun nan cunu muran iquimanifo non nantifi Egipcio aton inapan facu iyoafofo nai futsunifo.

Éxodo 12:35

Moisés ahuun caifo yonoa cusca Israelifoan Egipciofo ahuara sharafo ato yocanifo. Oro non cuno facafacaitsa yocafain sahuutifori ato yocanifo.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 39:42

Nan nocon Ifo Diosin Moisés yononi cusca Israelifoan nantififain ashonifo. Upa Dios fu tsainti nan pano pushu non ahuara futsa ato yonoa nantififain ashonifo.

Éxodo 39:43

Nan aton yonoquin anaitishon Moisés oinnisharamainquin. Ascatari oinni Diosin ato yononi cusca nantififain shara huashonifo. Ascashon ato yoini, —Aicho. Nocon Ifo Diosin yononi cusca man nanscacoin huashoanquin. Nocon Ifoanfin mato shara huashquiquin, —ishon Moisés ato yoini.

Éxodo 7:10

Ascatan Moisés yafi Aarón Faraón ano cani Diosin ato yonoa cusca anon. Aarón ahuun poquiti mai ano potaino rono oniriscatani. Faraón yafi niaifo patasharinoaton oinnifo.

Éxodo 7:6

Ascan nocon Ifo Diosin ato yononi cusca Moisés yafi Aarón aani.

Deuteronomio 34:9

Nataima Moisés Josué manmanni Diospan Yoshin Shara Josué fu rafucacainno nan fasi tapimasharanon. Ascano nocon Ifo Diosin Moisés yononi cusca Josué Israelifo yoiaiton nan nicasharanifo.

Hebreos 11:28

Ascan Egipto anoashu Israelifo foataima iquisi Diosin Moisés yoiquin tau huani isca huaquin, —Min caifofo yoihuu chashohuanun facu rutunonfo. Ascashon ahuun imin aton pushuti ahuun caincaiti ocuma rafu yafi amanaonri raishaquin futsanonfo. Man asca huacun Diospan nai oinmatinin Egipciofoan aton facu iyoafofo namaitian mato facufo finonmanon nanonfoma, —ishon Diosin yoini. Ascacun Moisés arifi nan Diosin yoiaiton nica cuscan icoinra huashon ahuun caifo Israelifo yononi. Ascanocai Israelifoan facu iyoafofo fustishta naanima.

Josué 2:21

—Man ua yoia cuscan un nannorisi shinain. Uncai uhuun caifofo yoishquima. Natian fosharatacahuun, —ishon Rahab ato yoini. Foafono Rahab ahuun cunu shoi fomancaya ano rusfi oshin nushani.

Josué 4:8

Nan nicacatan Josué ato yoini cuscan huanifo. Israelifoan ato manifoti nan doce nocofunufoan unu Jordán nushmancayanoa doce toquiri uhuapa fiinifo nan oshaifoanno focashon nanno putsainishcaquin. Nannori nocon Ifo Diosin Josué yononi.