Éxodo 12:26 - Sharanahua: Diospan Tsain

²⁶ Man nanscaiton oinquin maton facufoan mato yocatiro isca huaquin, “¿Ahuuscaimun man iscai fusicain?” ishon mato yocaifoan man ato cumatiro isca huaquin,

Éxodo 12:26 Iomraidhean Croise

Salmos 145:4

Nantifi yorafoan aton funafo mihuunoa yoisharashquicani. Yoitirofo min acai cuscan fasi shara. Yoicaquiri min ahuamamishti acai cuscan aton funafo yoishquicani tapinonfo.

Éxodo 12:25

Chipo Diosin noco yoiyoni cusca noco mai futsa inain. Nan mai ano non icaitian faritifi nan fusiti shafa nocon funafoyashon non shinantiro.

Éxodo 13:22

Nan shafatishon coin ato rusoatori ini. Ascaino nan yamutishori chii urumanhuan nai murannoashu ato rusoatori ini.

Efesios 6:4

Natiantan un apafori yoisharapai. Maton facufoqui tsain chipuyamafain curushcain yoiyamacahuun. Man tsain isininpaton ato yoiaino matoqui sinatirofo. Asca huaquimarocon ato tapimasharacahuun chaca huanonfoma. Nocon Ifon Jesús nocohuun noiai cuscan maton facufo yosisharacahuun noco Ifo tanasharanonfo.

Deuteronomio 11:19

Maton facufori tapimacahuun. Maton pushu muran tsaoshon nocon Ifo Diosin mato yonoa cusca yoifain fain caquin yoifain racashon yoifain nan man funiaitian maton facufo yoicahuun.

Deuteronomio 6:20

Chipo maton facufoan mato yocaquin isca huai, “¿Nocon Ifo Diosin noco yononi cusca ahua noco yoipaimun?” ishon mato yocaifoan.

Deuteronomio 6:7

Maton facufo Diospan tsain shafatifi yoifafaincahuun. Maton pushu muranshon nocon Ifo Diosin mato yonoa cuscahuunoa ato yoicahuun. Nan fain caaquin yoifain nantianri afohuunoa yoifain racashon yoifain man funiaitianri ato yoifafaincahuun.