Éxodo 12:21 - Sharanahua: Diospan Tsain

²¹ Nannori nicatan Moisés Israeli niaifofo ichanan huani ato yoiquin isca huani, —Natian maton yorafo ano fotacahuun nan chashoanun facu cahuashara catoncahuun rutushquin. Ascashon nocon Ifo Diosin noco finonmanaitiancai noco facu iyoafofo namashquima.

Éxodo 12:21 Iomraidhean Croise

Éxodo 12:11

Ascano nan man piaitian maton sahuuti sahuufain sapato sahuufain maton poquitifo tsomashon picahuun. Unfin maton Ifoshon un mato ascarafo pimaicain. Na yamutan un mato finonfainnicai nan Egipcio aton furun iyoafofo fusti un namashquin. Ascacun nan man piaitian piriscacahuun.

Éxodo 12:20

Afanan un mato yoi. Nantian ahuara farashatiya piyamacahuun. Nan man raquira icaino misi farashati maisi fusti man pitiroran, —ishon nocon Ifo Diosin yoini.

Éxodo 12:3

Nantifi min caifo nan Israeli pushuyafotiton aton apafoan na oshu mucu rafuti osha finontan chashoanun facushta iyamarai cabra uhuapamamishti man fipatiro.

Éxodo 17:5

Cufinquin asca huaiton nicaquin nocon Ifo Diosin cumani isca huaquin, —Niaifo patasharinoafo nan toquiri uhuapa machi Horeb ano ato iyotahuun. Nan min poquitinin min unu Nilo tsacaita cusca nan min poquitiri fotahuun.

Éxodo 19:7

Ascatan Moisés machi tunanmanri fotoni ahuun caifo aton niaifofo patasharinoafo nantian ato ichanan huani nocon Ifo Diosin yononi cusca ato tapimashquin.

Éxodo 3:16

Ascacun natian min catiro min caifo aton niaifofo ichanan huahuu. Nan un mia yoia cusca un ato tapimanon. Ato yoitahuun isca huaquin, “Nocon Ifo Diosifin Abraham non Isaac non Jacob nan nocon shunifoan aton Diosiquin. Arus fustifin ua oinmanaquin. Ascashon ua yoiquin isca hua, “ ‘Un min caifo Israelifo oian Egipciofoan ato fasi omitsisca huaiton.

Números 11:16

Nannori huaiton nicaquin nocon Ifoan cumani isca huaquin, —Min caifofo nan atohuunoa shinansharamisifo setenta niaifo patasharinoafo catonhuun. Nanfo uqui ihuuhuun. Nan pano pushu ichananti ano min ato ihuuano nanno mi fu ninonfo.

Hebreos 11:28

Ascan Egipto anoashu Israelifo foataima iquisi Diosin Moisés yoiquin tau huani isca huaquin, —Min caifofo yoihuu chashohuanun facu rutunonfo. Ascashon ahuun imin aton pushuti ahuun caincaiti ocuma rafu yafi amanaonri raishaquin futsanonfo. Man asca huacun Diospan nai oinmatinin Egipciofoan aton facu iyoafofo namaitian mato facufo finonmanon nanonfoma, —ishon Diosin yoini. Ascacun Moisés arifi nan Diosin yoiaiton nica cuscan icoinra huashon ahuun caifo Israelifo yononi. Ascanocai Israelifoan facu iyoafofo fustishta naanima.