Éxodo 12:17 - Sharanahua: Diospan Tsain

¹⁷ Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 12:17 Iomraidhean Croise

Éxodo 12:14

Ascacun nan faritifi nan shafan nocoaino man shinantiro. Maton fusiti shafa icaitian un mato finonmani cusca man shinantiro. Ascashon uhuunnoa shinanquin nan shafatan unimayanan man pitiro. Ascano maton funafoanri faritifi un mato shara huani cusca shinancanicai uhuunoa ointi aquimapacunacafoma.

Éxodo 12:24

Ascacun nocon Ifo Diosin yonoa cusca acahuun. Faritifi nocon funafoya nocon Diosin yonoa cusca non shinanpacunaca.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 12:6

Ascatan nan ina facumishti cushusharacahuun. Ascan nan oshu nushmancayan rafu nuuano nan shafatan fari caino nantifi min non min caifofoanri maton inapan facu rutucahuun.

Éxodo 13:10

Ascacun nan shafa faritifi fusicahuun nocon Ifo Diosin Egipcio mai ano aton furun iyoafofo namanitiancai nocon furun iyoafofo namanima. Nan ato finonmanitian. Ascacun nanfohuunoa non shinanon.

Éxodo 13:3

Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 13:8

Ascashon nan siete dia oshatan fusititian maton facufo man tapimatiro ahuuscamain man misi farashati maisi picain. “Nantian nocon Ifo Diosin Egipcio mai anoshon noco ihuuriscani. Ascacun non misi farashati maisi nantian non pitiro nan noco ihuuriscani cuscan shinantaquiran,” ishon ato yoicahuun.

Éxodo 6:26

Ascano nocon Ifo Diosin nan rafu Aarón yafi Moisés catonni. Ascashon ato yoiquin isca huani, —Israelifo nantifi mani futsafo Egipcio mai anoshon ato iyotacahuun, —ishon Diosin ato yononi.

Éxodo 7:5

Uhuun yono nan un ahuamamishti atiro cuscan un ato oinmashon shinan futsamashquin maton caifo nan Israelifo nichishquin. Ascaiton oinquin Egipciofoan tapishcani unfin Ifo Diosiquin, —ishon nocon Ifo Diosin yoini.

Números 20:16

Ascano non nocon Ifo Diosin fasi cufini noco numanon. Nocon Ifo Diosin noco nicaquin ahuun oinmati a fu nai muran ica nocoqui nichini noco Egipcio mai anoshon iyonon. Natian non Cades ano nocoa. Nan pushurasi mato mai chaima ica.