Éxodo 12:16 - Sharanahua: Diospan Tsain

¹⁶ Ascacun nan fusiti shafa taui ichanancahuun uhuunoa shinanshquin. Na siete dia oshatan ahuun unutani afanan ichanancahuun uhuunoa shinanshcaquin. Nan shafa rafucai tsoan yonotiroma. Manfin picha fustitiroquin nantififain pinonfo.

Éxodo 12:16 Iomraidhean Croise

Éxodo 16:23

Ascaiton Moisés ato cumani, —Nocon Ifo Diosin yonoafin funamari sabadoaino tsoan yonotiromaquin. Funamaricai non ahuara futsa huaima. Nonfin nocon Ifo Dioshuunoa fusti shinaincai. Non shafatifi yonomisi cuscacai non huayoima. Funamarifin non tunutiroquin. Ascano na shafata non pipaiyai cusca tsoi yamaraquin iquisi non pichatiro. Ascano ahuara tushuaiton mucucahuun funamari pishcaquin, —ishon Moisés ato yoini.

Éxodo 16:29

¿Tapiafomamun un semanantifi osha fusti ato tunumanaiton? Nanscacufin tunutitian icataima un ato tushu ichapa nai muranshon ato niriashoicai tunuti shafa tsoan tushu funanonfoma. Ascano tunutitian icataima iquisi ichapa fitirofo. Ascanocai nan shafata raqui fotirofoma ato tushu funashcaquima, —ishon nocon Ifo Diosin yoini.

Éxodo 16:5

Ascasho ato yoihuu nan dia viernes nan fimisifo finonmafain paratamacoin finonfo. Ascano nan dia sabado afanan finonfoma, —ishon nocon Ifo Diosin Moisés yoini.

Éxodo 20:10

Ascafia osha septimo nan maton Ifo Diosi fustihuunoa man shinantiro. Nan shafata afanan yonotamarocon tunucahuun maton Ifo Diosihuunoa shinanyanan. Nan septimo osha maton facufo non maton yonomatifo nocofunufo non ainfofo non maton inafo non maton caifoma nan mato mai ano icafoanricai yonotirofoma.

Juan 19:31

Iyoco futsaino nan fusititian Diosin oinmati nan afu imisiton nocon caifo Israelifo aton shunifoan facu iyoafofo finonmani shinantanfafainpaonifo ini. Ascano Jesús yafi yomutso rafu ihui coyan iquinanqui nanno mastaifoanno nocon niaifofoancai fusititian oinpainifoma. Ascanofin Pilato ano fonifoquin, —Funamanri nocon fusititian. Jesús yafi yomutso rafu ato fitucucahuun nariscanon. Mai huariscanonfo nocon fusititian mastafo ano ninonma, —ishon nocon niaifofoan Pilato yoinifo.