Éxodo 12:14 - Sharanahua: Diospan Tsain

¹⁴ Ascacun nan faritifi nan shafan nocoaino man shinantiro. Maton fusiti shafa icaitian un mato finonmani cusca man shinantiro. Ascashon uhuunnoa shinanquin nan shafatan unimayanan man pitiro. Ascano maton funafoanri faritifi un mato shara huani cusca shinancanicai uhuunoa ointi aquimapacunacafoma.

Éxodo 12:14 Iomraidhean Croise

Éxodo 12:17

Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 12:24

Ascacun nocon Ifo Diosin yonoa cusca acahuun. Faritifi nocon funafoya nocon Diosin yonoa cusca non shinanpacunaca.

Éxodo 12:43

Nocon Ifo Diosin Moisés yafi Aarón yoini isca huaquin, —Un mato finonmafain numa cusca nan shafatan man fusiaino un mato tapimashquin manmain ahuuscatiroquin. Nantian chashoan cahuashara ahuun namicai mato caifomafoan pitiroma.

Éxodo 12:6

Ascatan nan ina facumishti cushusharacahuun. Ascan nan oshu nushmancayan rafu nuuano nan shafatan fari caino nantifi min non min caifofoanri maton inapan facu rutucahuun.

Éxodo 5:1

Ascatan Israeli niaifofo ato tsain yoiquin anaititan Moisés fu Aarón nan Egipcio niaifo Faraón ano tapimani focani fonifo. Ascashon Faraón ano nocotan yoiquin isca huanifo, —Niaifon, non mia tapimanon nocon Ifo Diosin mia yoipaiyai cuscan, “Uhuun yora nan Israelifo tsoa istaipama ari nichihuun. Nanno ichanancashon pifain uhuunoa yoisharanonfo,” ishon nocon Ifon Diosin mia yoiran, —ishon Moisés futan Aarón yoiaifoan.

Números 16:40

Israelifoan nan oincashon shinantirofo, —Nan nocon Ifo Diosin yonoamano Aarón ahuun funafoshomacai nan pala uhuapamashta murannoa inin shara nocon Ifo Diosi ointaifin coatirofoma. Tsoa nocon Ifon catoncunma Coré yafi ahuun tanamisifo naa cusca nanforifi natiroquin, —ishon Israelifoan shinannifo. Ascano Ifo Diosin Moisés yononi cusca Eleazar huani.

Mateo 26:13

Ascacun un mato icon yoi. Nan tsain shara uhuunoa manifotiton yoishcani. Nan ainfoan ua rama aca cuscari yoishcani. Ascashon ua shara huaa cuscan ahuunoa shinanpacushcaniran, —ishon Jesús noco yoini.

Lucas 22:19

Asca huatan Jesús misi finifoan afanan Apa cufiyoni, —¡Aicho! Upan, —huatan. Torupacushon atoti inanqui afanan ato yoini, —Naafin uhuun caya cuscaraquin. Un nantifi yorafohuunoashu nai. Ascacun nan man piaitian ua shinanfafaicahuun, —ishon ato yoitan.

Deuteronomio 6:8

Diospan tsain maton mucuqui munushumucain mato fumananquiri funushumucahuun afo ointiaquimashcaquima.