Éxodo 12:1 - Sharanahua: Diospan Tsain

¹ Ascaino nocon Ifo Diosin Egipto mai anoshon Moisés yafi Aarón yoini isca huaquin,

Éxodo 12:1 Iomraidhean Croise

Génesis 20:7

Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

Éxodo 11:10

Nocon Ifo Diosin ahuun curushhuunshon Moisés futan Aarón ahuamamishti Faraón ointaifi huanifo. Ascafia Diosihuunshon Faraón ahuun nomuran curush huaino Moisés icoinra huanima. Ascashocai Israelifo Egipto mai anoshon nichipainima.

Éxodo 11:2

Ascashon min caifo nantifi Israelifo nocofunufo non ainfofori ato yoihuu Egipciofo mato chaima icafo aton tuhuuti yafi ahuara futsafo cuno sapa facafacaitsa yafi oro sharashta ato yocacahuun mato cashmancoin inanonforan, —ishon nocon Ifo Diosin Moisés yononi.

Éxodo 12:18

Nan na oshu nushmancayan rafu tau huaquin misi farashati maisi pifain nan dia catorce fari cai chain nan oshuri dia veintiuno shafata man faricaino misi farashati maisi picahuun.

Éxodo 12:2

—Nan na oshu taui matona fasi shara finacaia. Nan fari tauaitianri mato oshu nanscasi apanaca.

Éxodo 14:1

Ascatan nantian nocon Ifo Diosin Moisés yoini isca huaquin,

Marcos 14:1

Ascano Jesús ato yoini natianri fusiti shafa nococuanaino. Nannoshon misi farashati maisi piinifo. [Nan fusiti Israelifoan Egipto mai anoashu fonifo shinantacani. Nantianri Egipciofoan aton facu furonanfacu iyoafofosi Diosin namaquin cuyoiquin. Israelifo ato muran ipaonifiacanashu Egipciofoan aton facufo namafiaquin Israelifoan aton facufo finonmani. Ascan faritifi ichanancashon Upa Diosin aton shunifoan aton facufo finonmani nanonfoma shinantacani. Ascan nan fuusiti anumisifo nocon shunifoan aton facufo finonmaniran.] Nantianri nocon yorafohuunshon Dios cufimisi niaifofoan Moisés cununi cuscan tapimamisifo futan ichanancashon isca huaquin yoinifo, —¿Ahuuscashomun non Jesús rutumatiroquin? ¿Ahua chacamain ahuunoa non yoiqui rutumashquin? Natian fusimuainocai non achimatiroma. Yorafo fasi sinacani mucatirofo, —icashu yoinannifo. Jesús onushta rutumapaicani.

Lucas 22:1

Nan noco caifo Israelifoan ato fusititian shinanpaonifo Diosin nai oinmati ato facu iyoafofosi finonmani rutuquima. Ascan nan fusiti shafa anunifo pan farashati maisiran ishon anunifo man nocoti chaima.

Hechos 12:4

Achimashon cunu muran iquimani. Ascashon ranushumua dieciseis cushuriapaonifo. Nantianri Israelifoan aton fuusititian Diosin nai oinmatinin aton shunifoan facu iyoafofosi finonmani shinanshcaquin. —Nan fuusititian cuyoano un Pedro cunu murannoa cainmayoshquin ahuun caifoan oinonfo. Ascano un yoishquin nanton chaca huaquin rutucahuun un ato huashquinran, —ishon Herodes shinanniquin.

1 Samuel 2:27

Nantian nan nocofunun nocon Ifo Diosi tanasharacoian Elíqui nocoshon yoini isca huaquin, —Nocon Ifo Diosin mia yoia isca huaquin, “Min shunifo Egipcio ano aton yonomatifo icaitian un ato uhuunoa tapimani.