Éxodo 11:2 - Sharanahua: Diospan Tsain

² Ascashon min caifo nantifi Israelifo nocofunufo non ainfofori ato yoihuu Egipciofo mato chaima icafo aton tuhuuti yafi ahuara futsafo cuno sapa facafacaitsa yafi oro sharashta ato yocacahuun mato cashmancoin inanonforan, —ishon nocon Ifo Diosin Moisés yononi.

Éxodo 11:2 Iomraidhean Croise

Génesis 24:53

Ascatan chipo ahuarafo Rebeca inan. Oro futsa futsatapa cuscarafo inanfain cuno facafacaitsafo inanfain sahuutifo inanni. Ahuara chicoinfo ahuun ochi inanfain ahuari inanni.

Génesis 31:9

Ascacun Diosin yonoa min upa ahuun chashoanfo fianshon ua inanshquinran, —ishon yoini.

Éxodo 3:21

Unfin Egipciofo matohuunoa shinanmasharashquicain. Ascano aton niaifoan ahuun mai arishon mato nichiaitian ahuun yorafoan mato ahuara sharafo inanshquin man fotanon.

Éxodo 3:22

Ascano nantianri Israeli ainfofoan Egipcio ainfofo chaima icafo iyamarai nan aton pushu muran icafoan aton pui nan oro non cuno sapa facafacaitsa non sahuutifo Israeli ainfofoan ato yocaifotian. Nan sahuuti mato inainfotian maton furonanfacufo yafi mato shotocofacufo man ato sahuumashquin. Man nansca huaquifin man ahuarafo fitiroquin. Nan matohuunoashucai Egipciofo afanan ahuaraiyaimaran, —ishon Diosin yoini.

Éxodo 32:24

Ua nannori huaifoan un ato yoia, “Maton tuhuuti oro non maton parotamutifo non ahuara futsa oro man sahuuafo pucashon ua fushocahuun,” ishon un ato yoia. Ascashon ua inainfoan un chii muran potatanaino nan moi cahua shara niriscatanaran, —ishon Aarón ahuun ushto Moisés yoini.

Mateo 20:15

Nan un ato inanpaiyai cuscan un ato inantiro. Nanmain uhuun puicufin. ¿Ascan ahuuscaquin nan faricaino yonoafo yafi man uqui shinain chacaimun? Unfin futsafori shara huapaiquin,” ishon mau ifoan ato yoini.