Éxodo 10:27 - Sharanahua: Diospan Tsain

²⁷ Ascafia nocon Ifo Diosin yononi cusca Faraón ahuun nomuran curushmainocai Israelifo afanan nichinima.

Éxodo 10:27 Iomraidhean Croise

Éxodo 10:1

Ascano nocon Ifo Diosin Moisés yoini isca huaquin, —Unfin Faraón yafi ahuun niaifo patasharinoafo un aton nomuran curushmanicai un ahuamamishti huatiro cusca nantifi yorafoan oinonfo. Ascashon min non min caifofoanri un ahuamamishti huatiro oinquin maton facufo non mato funafori man ato tapimatiro. Min nantifi yoitiro un Egipciofo onaintimaiton minrifi oinquin min tapicointiro unmain maton Ifo Diosincufin. Ascacun un Faraón yoipaiyai cusca min ua yoishotiro. Faraón ano catahuun yoishquin, —ishon nocon Ifo Diosin Moisés yoini.

Éxodo 10:20

Ascaiton afanan nocon Ifo Diosin Faraón ahuun nomuran curush huamani Israelifo nichinonma.

Éxodo 11:10

Nocon Ifo Diosin ahuun curushhuunshon Moisés futan Aarón ahuamamishti Faraón ointaifi huanifo. Ascafia Diosihuunshon Faraón ahuun nomuran curush huaino Moisés icoinra huanima. Ascashocai Israelifo Egipto mai anoshon nichipainima.

Éxodo 14:4

Ascano un afanan Faraón ahuun nomuran curush huamai cusca afanan min caifohuunoa shinanchacai. Matohuunoa nannori shinanquin ahuun ranushumuafoyashon mato mufaini focani mato afanan achishcaquin. Ascafia un acai cusca nantifi yorafoan tapitirofo tsoa futsacai ua cuscara sharama. Ascashon tapitirofo un ahuamamishti huatiro. Nanscacufin Egipciofoan tapicaniquin unfin Ifo Diosiquin, —ishon nocon Ifo Diosin yoini. Nan nocon Ifo Diosin ato yononi cusca Israelifoan huanifo.

Éxodo 14:8

Nan Israelifocai tsoashta ratunima Egipcio mai anoashu foaifotian. Nocon Ifo Diosin Egipciofoan aton niaifo Faraón ahuun nomuran curush huamani Israelifo mufaitan ato achinon.

Éxodo 4:21

Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.

Apocalipsis 9:20

Atirificai afohuunoashu nayamafiacani aton chaca shatuafoma Upa Dios tanashcaquin. Ascatamarocon yoshin chacafo tanamisifo cuscan shatuyamafain oro iyamarai cuno oshopa sharashta non cuno futsan ahuun anu bronce non toquiri non ihuirifi ramihuafo. Ascafia nanfoancai ahua oinyamafain nicatirofoma raquiri cahuascatirofoma, —Naan nocon Dios. Non ahuun noiran, —ishon yoimisifo cuscan shatuafoma.