Éxodo 10:17 - Sharanahua: Diospan Tsain

¹⁷ Un chaca hua cusca afanan ua rau huapun. Maton Ifo Diosi ua cufinshocahuun nan ocutsurufo noco mai anoashu fotanon non nanoma, —ishon Faraón yoini.

Éxodo 10:17 Iomraidhean Croise

Éxodo 8:28

Nannori huaiton nicaquin Faraón cumani isca huaquin, —Un mato nichitiro maton Diosi mato yonoa cusca man inafo rutunon. Ascafia chai foyamacahuun. Natianroco maton Diosi uari cufinshohuun, —huaiton.

Éxodo 8:4

Min non min yorafo non min niaifo patasharinoafoquiri un fushco ichapa nichiaino man fasi omitsiscashquiran,’ ” ishon Faraón yoitahuun, —Diosin Moisés yoini.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Éxodo 9:27

Ascaiton oinquin Faraón Moisés yafi Aarón tsain fomani aqui fononfo. Ascano ato yoini, —Natian mun tapia un chaca hua. Ifo Diosin icon fusti yoimisi. Un uhuun yorafoyashon amaquiri un shinanmisi.

Éxodo 9:28

Ascan natian fasi nai turuicaino unu matsi tocoronunhuanfo pacui futsuainocai non afanan tunuima. Ascacun noco maton Ifo Diosin cufinshohuun nai turuicai non unu matsi tocoronunhuanfo nishma huanon. Ascacun min noco cufinshonaino un mia non min caifofo nichishoriscatiroran, —ishon Faraón Moisés yoini.

Hechos 8:24

—Ua Ifo Jesús cufishohuun min ua yoia cuscan ua Diosin onaintimanonma, —ishon Simón cumani.

Romanos 15:30

Tsain futsari un mato yoipai. Man nocon Ifo Jesucristo noishon ahuun Yoshin Sharahuunshon uari noiquin ua Upa Dios cufishocahuun un yonosharashonon ahuaton ua nitun huanonma.

2 Corintios 1:10

Ascashu non fasi omitsiscai nacuafiaiton Upa Diosin noco numani. Afananri noco numashqui. Man non icoinra huacun noco numafafainshquin. Noco nansca huaino icoinra huaa futsafoan nocohuunoa shinanquin isca huashcani, —¡Aicho! Upa Diosin, min Pablo yafi afu rafumisifo min nica ato numashqui. Min fasi sharacoinran, —ishon ichapafoan Upa Dios cufishcani.

1 Samuel 15:25

Ascafiacun un chaca hua cuscan ua rauhuahuun. Afanan afohuunoa shinantamarocon u fu capun nocon Ifo Diosi non cufinyonon, —ishon Saúl yoiaiton.