Éxodo 1:16 - Sharanahua: Diospan Tsain

¹⁶ —Maton caifo Hebreo ainfofo aton facufo cainyaintian man ato cushutiro shotocofacu caianshu nitiro. Ascan furonanfacu caincun ato rutucahuun, —ishon niaifoan ato yononi.

Éxodo 1:16 Iomraidhean Croise

Éxodo 1:15

Nan Israelifo aton anu futsa Hebreofo. Nan Hebreo ainfo rafu aton anu Sifra yafi Fúa. Nan rafutan aton caifo ainfofo aton facu cainyaintian ato cushushonifo. Ascashon nantia Egipcio niaifoan nan ainfo rafu yononi isca huaquin,

Éxodo 1:22

Ascashon Egipciofoan aton niaifoan Faraón nantifi ahuun caifofo ato yononi isca huaquin, —Hebreofo aton facu furonanfacufo rama cainyaifo ato unu Nilo muran potacahuun asanonfo. Ascan shotocofacufo unu muran potayamacahuun ninonfo, —ishon ato niaifo Faraón yononi.

Mateo 21:38

Ascashon apa nichian caiton oincani nan fimi cushumisifo ahuun yoinancaquin yoinifo, “¡Oincapon! Mau ifoan ahuun facu oi. Na maufin apanaquin. Ascafia apa chipo ahuun facu inanshquin. Ascacun non rutunoncahuun nocona mau inon,” icashu yoinannifo.

Hechos 7:19

Nanton nocon shunifo parafafaini. Ato omitsiscamani. Fasi curushcain ato yonomani. “Maton facufo rama caincun potacahuun nanonfo,” ishon ato yononi.

Hebreos 11:23

Moisés apa futan ahuari Dios icoinra huacoinpaonifo. Moisés cainyaintian apa futan ahua oianfo aton facu sharashtacoin ini. Ascashori tapinifo Moisés nocofunucoiaintian Upa Diosin yonosharashoshquiai cuscan. Ascacun Egipcio niaifoan ato yononi Israelifoan aton facu yomumishti nantifi rutunonfo. Ascafiainocai nan Moisés apa futan ahua ratuquimarocon Diosin icoinra huashon oshu rafu non fustitan aton facu onunifo niaifoan ato Moisés rutumanonma.

Apocalipsis 12:4

Ahuun ina sharafoaino atirifi fishi nai murannoashu mai ano pacua. Nanscarifiai Upa Diosin ahuun oinmatifo Satanás atirifi ato chaca huamani. Ascan ahuunoashu a cuscara yoshin chacafori ato imano nai muranshon Upa Diosin ato potafain mai ano ato nichini. Ascacun nannoshon nan Satanás famanhuan cuscaraton ainfo facu caiyainton cushua caintanaiton facu piishquin.