Éxodo 1:14 - Sharanahua: Diospan Tsain

¹⁴ Nan ladrillofo mai yafi foi osia ato oni huashofain aton mau ano ato curushcain yonomanifo. Ascano fasi omitsiscanifo.

Éxodo 1:14 Iomraidhean Croise

Génesis 15:13

Ascatan Ifo Diosin yoini, —Abram, un mia yoi min tapifain min ua icoinra huanon. Min funafo mai futsa ano iyoshcani. Nan mai futsa anoafoan aton yonomatifo iishquicani. Cuatro cientos farin ato yonomaqui fasi omitsiscamashcani.

Éxodo 1:11

Nannori niaifo ato yoiaiton nicacatan Egipciofoan Israelifo yononi aton yonomatifo inon. Ascashon ato curushcain yonomanifo. Pitón mai anoa yafi Ramsés mai ano pushu rasi ato huashononfo. Nan pushu rasifo ano Egipciofoan ato tushufo mucushonifo.

Éxodo 1:15

Nan Israelifo aton anu futsa Hebreofo. Nan Hebreo ainfo rafu aton anu Sifra yafi Fúa. Nan rafutan aton caifo ainfofo aton facu cainyaintian ato cushushonifo. Ascashon nantia Egipcio niaifoan nan ainfo rafu yononi isca huaquin,

Éxodo 2:23

Ascano fari ichapa finoanno nan Egipciofoan aton niaifo Faraón naani. Nantianri Egipciofoan Israelifo ato omitsisca huaquin curushcain cashmancoin yonomapaoni. Nan Israelifoan ato omitsisca huaifoanno uaicaifoan Diosin ato nicaquin ato shinancoinni.

Éxodo 20:2

—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.

Éxodo 6:9

Ascano Moisés ahuun caifo Israelifo Diosin yoini cusca ato tapimani. Nannori ato yoiaiton nicacatancai tsoan Moisés icoinra huapainima. Nan Egipciofoan ato curushcain yonomamisifia nantian fasi aton nomuran fucashcoin muutanifo tsoancai Moisés yoiai cusca nicapainima.

Números 20:15

Nocon shunifo Egipcio mai ari fonifo nanri min tapia. Non nanno Egipcio mai ari fari ichaparasi aton yonomatifo icano fasi noco omitsisca huamisifo.

Hechos 7:19

Nanton nocon shunifo parafafaini. Ato omitsiscamani. Fasi curushcain ato yonomani. “Maton facufo rama caincun potacahuun nanonfo,” ishon ato yononi.

Hechos 7:34

Uhuun yorafo Egipto ano omitsiscai cuscan mun oian. Man pashapaiyaifoan mun nica. Ascan un fotoa ato caimashquin. Natian un mia Egipto ano afanan nichicai.”

Deuteronomio 4:20

Ascan manfin Egipcio mai anoashu fasi omitsiscaiton nocon Ifo Diosin mato numaniquin ahuun yorafo man icain ahuuna man inon. Icon natian man ahuun yorafo ahuuna man man ica.