Efesios 6:5 - Sharanahua: Diospan Tsain

⁵ Yonomatifoan maton ifofo nicasharacoincahuun. Nuno mai anoshon maton ifofoan mato yonotirofo. Maton Ifo Criston fuchipaiyai cuscan man samamashta ashoriscapaitiro. Nanscarifi aqui maton ifon nantori mato yonopaiyai cuscan shara huashoriscacahuun.

Efesios 6:5 Iomraidhean Croise

Génesis 16:9

Ascacun, —Min ifoqui afanan nasohuu mia yonoai cuscacoin aashquin. Un mia min funafo ichaparasi inain. Tsoan ato tanan huatiroma. Min natian facu nanua furonanfacu iishquin. Ifo Diosin mia nica min omitsiscai cuscan. Ascan min facu anuquin Ismaelran min huaashquin. Burro yoina cuscara tsoan istaipama ano cahuascai cuscan nanscarifin min facu aashquiquin. Ascatan nantorifi nantifi yorafo noicasmashquin. Ascaiton nanfoanri min facu noicasmashcaniran, —ishon Diosin oinmati a fu nai muran imisiton yoini.

Salmos 86:11

Uhuun Ifon, min ua amapaiyai cuscan ua tapimahuu. Min ua tapimapaiyai cuscan ua tapimahuu. Minfin icon yoimisi fustiquin. Nanfin un tanaicai. Ua cayacafi shinanmahuu un ointi rafuya inonma. Mia fustifin un tanasharaiquin.

Mateo 6:22

Afanan tsain futsa un mato yoi man tapinon. Nocon furo rafu nocon cayan lamparina cuscara. Nan rafu shara non oinsharatiro. Ascashon nocon caya cushusharatiro non ahuuscanonma. Nanscarifiai mato nomuranshon man shinansharai man isharacointiro.

Mateo 6:24

Ascan oinmatinincai ahuun ifo nanno rafu nantian yonoshotiroma. Futsa noifain futsa noicasmatiro iyamarai futsa nan yoia cuscacoin huashotiro. Ascashon futsa, “Nacai ahuamaran,” ishon shinantiro. Tapicai huatiroma ratocaimain nicasharaiquin. Nanscarifiai Dios yonoshopaiquicai man pui noitiroma maton ifo inon.

Mateo 8:9

Ascan uarifi uhuun niaifoan ua yonomisi. Ascacun urifi ranushumuafo un yonotiro. Ascan un futsa, “Catahuun,” huaino cariscatiro. Un futsa, “Ohuu,” huaino uqui oriscatiro. Uhuun oinmatiri, “Ua ashohuun,” un huaiton ua ashoriscatiro. Ascan minfin ahuamamishti huatiroquin. Ascacun min tsainmansi yoihuu uhuun oinmati cayanon, —ishon yoini.

Hechos 2:46

Shafatifiri Dios fu tsainti pushu muran ichanannifo Dios cufincani. Aton pushu muranri fasi unimacoinyanan ichananshon pishcaquin. Picaquin, —¡Aicho! Upa Diosin min noco shara huafafainiran, —ishon yoinifo.

1 Corintios 2:3

Ascano matoqui oshon uncai shinanqui isca huama, —Unfincoin un ato cayacafi yoitiroran, —ishoncai un shinanma. Diospan Yoshin Sharahuunshon un mato yoiamaquicai un mato cayacafi yoisharacuanama. Un ahuun Yoshin Shara fasi yopacoiain cuscan un mato cayacafi yoinon. Ascano un ratuyamua ua Diosin yonoa cuscan un ayamaishafain marifi man funocuana. Uhuun nomuran un shinanchacatana un ayamai shafain.

1 Corintios 7:22

Man ratoran futsa Diosin mato catoaintian futsafoan aton oinmati man iquin. Ascafiashucai afanan Satanás maton ifo itiroma mato chaca huamashquin. Atiri mato catoaintian tsoan oinmaticai man imisima. Ascanfiashu natianfin man Jesús ahuun oinmati.

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

2 Corintios 7:15

Tito matoqui nocoshon oian man iscaiton, —Titopan noco yoiai cuscan nan Diospan tsain. Non nicacoianmashu non omitsiscatiroran, —ishon man yoia. Yoitimashu man ratua. Man nicacoinpaiyaiton oin Tito matoqui unimacoin. Matohuun noi finacoin.

Efesios 5:22

Ainfofoan man maton Ifon Jesús nicai cuscan huafain maton funuri nicasharacoincahuun.

Efesios 6:24

Man nocon Ifon Jesucristo nantishon tapiquin man ahuun noi unupacuyamaino Upa Diosin nantifi matohuun ramapai. Unquian Pablo un mato cunushoni. Nanscari inon. Nanti. Pablo

Filipenses 2:12

Ascacufin uhuun yoramishtichin un matofu iyoshon un mato yoiyopaoni cuscan man nanscasi huaquin nicacoinmisi. Natianri un matofu iyamafiashon nan un mato yosipaoni cuscan unutama finacoinquin nicasharafafaincahuun cachiquiri huacaquima. Jesús mato numafain maton chaca soashona man afu nipanon. Ascashon nunori shinancahuun, —Nan ua yonopaiyai cuscan un ayamaifin musuquin. Ascashu un funotiroran, —ishon shinancahuun.

Filemón 1:16

Un mia yoia cuscan un fasi ahuun noi. Ascano min finacoinquin ahuun noitiro. Ascafia natiancai min yonomati fustisi ishquima. Nanto arifi man Cristo icoinra huaa. Ascacun natian min ahuun yoracoin cuscara.

Josué 24:14

Nocon Ifo Diosin noco yoia cuscan man man nican. Ascacun Diosihuunoa shinansharafain a nicasharacahuun noco yonoai cuscan non huanon. Unu Eufrates fari iquiaiquirinoa yafi Egipcio ano nocon shunifoan dioscoinma cufinnifo. Manrifi asca huayamacahuun. Nan rami huafo potacahuun. Nocon Ifo Diosi fusti cufinfain mato yoiai cuscan fusti huacahuun.

1 Pedro 3:2

Maton funufoan mato yoiaiton nicatimacaquima nicasharafain man Jesús cuscara isharaiton oin atirifoan nocon Ifo icoinra huatirofo.