Efesios 3:10 - Sharanahua: Diospan Tsain

^10-11 Upa Diosin shinanquin tau huani cuscan nocon Ifo Jesucristohuunshon ani. Natian Jesús icoinra huafohuunshon niaifofoan nai muran icafo futan ahuun oinmatifo nan a fu nai muran icafoanri ato tapimashquin. Ascan nicacashon yoishquin isca huaquin, —¡Aicho! Nocon Upa Diosin aca cuscan fasi sharacoin. Arus fusti nantifi tapicoian. Nanton ahuamamishti huatiroran, —ishon yoishcani.

Efesios 3:10 Iomraidhean Croise

Salmos 103:20

Manfin Diospan oinmatifoquin man a fu nai muran imisi manfin mutsisipacoinquin. Mato yoimisi cuscan man amisi. Maton Ifohuunoa yoisharacahuun.

Romanos 11:33

¡Aicho! Nocon Dios fasi sharacoin. Nantifi yorafohuun ramapai unupacunacama. Aafin apaiyai cuscan tapicoianquin. Nantifi tapicoian inonpacoai cuscan tapifain aafin noco ashoai cuscan tapicoian. Ahuun nomuran yorafohuunoa shinain cuscan non tapipaifiaquicai tsoanshta tapitiroma. Aaton acai cuscan tsoan tapitiroma.

Romanos 8:38

Jesucriston nocon Ifonocai ahuashtaton Upa Diosmaqui noco pashcamatiroma noco noinonma. Nan un icoinra huacoinni. Upa Diosin nocohuun noiainocai ahua ahuuscatiroma nocohuun afanan noinonma. Non nafiancucai amaqui noco pashcamatiroma. Non niyo anoricai amaqui noco pashcamatiroma. Ahuun oinmatifoanricai amaqui noco pashcamatiroma. Yoshin chacafoanricai noco amaqui pashcamatirofoma. Ahuarafo natian icai cuscaricai noco amaquinoa pashcamatiroma. Inonpacoai cuscaricai noco amaqui pashcamatiroma. Ahuara chacafo aton niaifofoanri amaquinoa noco pashcamatiroma. Nan nai ariafo yafi mai anoafoanricai noco amaqui pashcamatiroma. Upa Diosin nocon Ifon Jesucristohuunshon nocohuun noi. Ascano nantifi onihuafoanricai amaqui noco pashcamatirofoma afanan noco noinon.

1 Corintios 1:24

Ascafiainfono nan icoinra huafoti Diosin noco catonni. Israelifo yafi mani futsafo Cristohuunshon nocon chaca soashonano non afu ipanon. Non tapia Cristohuunshon Upa Diosin ahuamamishti huamisi. Ahuun curushhuunshon noco numani. Atofin nantifi tapicoianquin. Cristohuunshon noco numani non afu nipanon.

1 Corintios 2:7

Non mato Diosihuunshon yoimisi cuscan huafaincai tsoan tapiyopaonima. Cristo yorafotihuunoashu nashoshquiai cuscan Diosincai ato tapimayopaonima. Diosin mai onihuataima shinanquin isca huani, —Uhuun Furumun ato chipo nashoshquin nan a icoinra huafoti ato nimapacushquin, —ishon shinanyoni.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Efesios 1:8

Non yopai cuscan onancoian. Ascashon Furunhuunshon noco fasi shara huafafaini.

Efesios 6:12

Non Jesús tanasharaitocai yorafoan noco unumatiroma. Ascatama nan yoshin chaca Satanás yafi yoshin chaca futsafoanri noco curushcain chaca huamapai. Nanfo non oinyamafiatiro noco asca huapaifafaini. Nanfoan icoinra huafoma yonofafaini chaca huanonfo. Nan yoshin chaca ichapafoan.

Colosenses 1:16

Ascan Criston nantifi onihuani. Nai murannoafo yafi mai anoafori ato onihuapacuni. Nan non oinmisifo yafi non ointiromafori ascashon nantifi onihuani. Ahuun oinmatifo nan afu icafo onihuafain yoshinfoan aton niaifofori onihuani Upa Dios Furun Cristohuunshon nantifi onihuani.

Colosenses 2:10

Aafin nantifiton aton niaifocoinquin. Nantifi niaifofo yafi yoshinfori ato finoncoian. Ascashon ato iquimisi. Ascacufin man Jesús fu rafushocai man ahua futsa yopaima. Nan isharamisi cuscan marifi man nanscatiro.

Colosenses 2:15

Ascano Jesús ihui coyan iquinanhuunoashu noco nashonishaquin Satanás yafi nantifi yoshin chacafo finoncoian. Ascacucai afanan noco ahuusca huatirofoma. Nanforicai afanan noco ifo iyamacain noco iquitirofoma. Ascacufin Jesús ihui coyan iquinanhuunoashu naiton Diosin manifoti ismani nan yoshin chacafocai afanan ahuashta ahuun curushu ayamaran ishon ato ismani.

1 Timoteo 3:16

Icon atirifitocai tsoan Diospan tsain tapiataima isharashcaquin. Ascafia Jesushuunoashu non isharatiro. Aafin Apa Dios icariashu mai ano fotoni nocon cuscara yoracoin iishquin. Ascatarifi Diosin Yoshin Sharapan ismapaoni Jesuscai ahua chaca huamisima icon fustisi imisi. Diospan oinmati afu nai muran icafoanri oinnifo. Ahuunoashu manifoti futsafoan yoiqui isca huamisifo, —Jesús Upa Diosin facu. Ascashon arus fusti maton chaca soashotiroran, —ishon yoifoanfafainmisifo. Yoiaifoan nicacanashu atirifi manifoti anoshon icoinra huacani. Ascashu Jesús naafiashu mai murannoashu funini. Chipo afanan Apa icano nuinacahuani arifi nantifiton aton niaifocoin iishquin.

1 Pedro 1:12

Diospan Yoshin Sharapan ato tapimani man inonpacoai yoini nanfoan niyocashon oinyotirofoma. Ascatamarocon afoan oinyamafiaino mancaifin oinshquiquin. Ascan nan tsain shara Jesushuunoa nantififain man non nicamisi. Upa Diosin icanoshon ahuun Yoshin Shara nichini ahuun curushhuunshon mato Jesushuunoa yoimisi. Nan man nicamisi cuscari Diospan oinmati afu nai muran icafoanri tapipaicoincani.

1 Pedro 3:22

Ascan natian Criston Apa fu ica niaifocoin ipashquin. Tsoashtacai finontiroma. Ahuun oinmati afu nai muran icafo non nantifi yoshinfo non aton niaifofori nantifi ato yoiai cuscan aashcaniquin.