Apocalipsis 9:14 - Sharanahua: Diospan Tsain

¹⁴ Nan oin Diosin oinmati afu icaton manuti tsoma yoiaiton un nica isca huaquin, —Nan rafu non rafuri yoshin chacafo Upa Diosin ato munushua nan unu uhuapa ahuun anu Eufrates anoa ato muputahuun fononfo, —ishon yoia.

Apocalipsis 9:14 Iomraidhean Croise

Génesis 15:18

Nantian nocon Ifo Diosin Abram yoiyoni isca huaquin, —Na mai un min funafo inain. Unuhuan Egipto ano shatutan unu Eufrates ano atona inon.

Génesis 2:14

Nan unu tohuaica futsan ahuun anuri Tigris. Naan mai Asiria fari oai naman afain. Nan unu futsan ahuun anuri Eufrates.

Deuteronomio 1:7

Natian maton pano pushufoya fotacahuun Amorreofo nan machifoanno icafo ari fotacahuun. Mai futsan ahuun anu Arabá ano fofain nan ato chaima icafoanri aton mai ari fofain Néguev mai ari fofain unu cusumunri fofain Cananeofo icari fofain Líbano ano fofain nan chai unu Eufrates ari fotacahuun.

Josué 1:4

Tsoa istaipama anoashu chaicoin Líbano ano unu uhuapa nan Eufrates anoashu chaicoin nan Hititafoan aton mai chaicoin ununhuan nan Mediterráneo anori nantifi na mai un mato inain matona inon.

Apocalipsis 16:12

Ascatan Diosin oinmati futsan nai muranshon ahuun tutso murannoa unu uhuapa ahuun anu Eufrates amuran oca. Ocano nan Eufrates nutsoriscatana man mutocaina. Nan niaifo rafu non fusti fari oaiquirinoashu fucani. Ascan Eufrates nutsocoian aton ranushumuafo ya pocufaitirofo.

Apocalipsis 7:1

Ascatan afanan un oian cuscan un mato tapimai. Diosin ahuun oinmati rafu non rafuri afu nai muran imisifo un oian. Futsa fari oaiquiri niaino futsari fari caiquiri nia. Ascan futsa fari oai istafari niaino futsari fari cai istafari nia. Ascaino nihuu nishmapacufoanna. Afananricai nantifi maifoti anoa nii puifo puri puricama. Unuhuanri afanan fuchoima pusiquima raca.

Apocalipsis 7:2

Nan rafu non rafuri Diosin ato yonoa mai yafi unuhuan chacana huatirofo. Ascano Diosin oinmati afu nai muran ica futsari nan fari oaiquirinoashu oaiton un oian. Nocon Upa Diosin nan nipanacaton ahuun sello ya oa. Nan Diosin yonocun ahuun yorafotihuun nutatiro nantififain tapinon Diospan ahuun yorafocun.

Apocalipsis 8:2

Ascatan Diosin ahuun oinmati siete afu nai muran icafoan atoti manuti inanpacua chipo ato yoiaitian chaan chaan ashquinonfo.

Apocalipsis 8:6

Ascatan Diosin ahuun oinmati siete afu nai muran icafo atoti manuti inan itishara huafo chaan chaan ashcaquin.

Apocalipsis 9:15

Nanno nan yoshin chaca rafu non rafuri afin itisharamisifo. Ascan rato hora yafi rato shafatan non rato oshu non rato farimain ato caimanaitian atirifi yora mai anoafo la tercera yorafo ato rutushcani.