Apocalipsis 6:4 - Sharanahua: Diospan Tsain

⁴ Ascaino caballo futsari oshininpa nocotoshia. Nan caballo camaqui tsaocun nopu chainipa inanfain yonoa mai ano catanon. Ascatan nocoshon maifoti anoa ato shinanmana afanan unimasharatamarocon noicasmatanancanashu rutunanonfo.

Apocalipsis 6:4 Iomraidhean Croise

Daniel 5:19

Ifo Diosin min shuni imai cuscan oincani nantifi manifoti anoafo tsain futsa futsatapafoya aqui ratucoinnifo. Min shuni Nabucodonosor nan yora rutupaiyai ato rutuni. Nan yora nimapaiyai ato rutunima. Nan niaifo patasharinoa imapaiyai ato niaifo imani. Futsahuunoa niaifoan yoini, “Mincai ahuamaran,” ishon niaifoan yoiaino futsafoanri shinanni aacai ahuama. Ascan nocofunu futsahuunoa niaifoan yoisharaino ahuun yorafoanri ahuunoa yoisharanifo. Min shuni Nabucodonosor nantifi iquinan tsoa futsacai a cuscarama.

Mateo 10:34

Man shinanmun nantifi manifoti anoafo uhuunoashu unimanonfo un oni. Ma. Ascaramafiqui. Un mato yoiai cuscacai tsoan nannorifosi shinancanima. Asca nan ua icoinra huafoan sharafosi shinainfoanno nan ua icoinra huamafoan ahuara chaca futsafosi shinancani.

Mateo 24:6

Ascaino mani futsafo ya futsafo rutunainfoan man nicashquin. Ascara nicacani ratuyamacahuun. Un mato yoimisi cuscan nanscacoin aiquin. Ascafia nantifi cuyoaitian icataima.

Juan 19:11

—Diosin mia yonoyamainocai mian ahuusca huacuanama. Ascacun nan mian chaca huanon mi ano ihuuafo nanfoancaifin ua chaca huaquin finacaniquin, —huani.

Apocalipsis 12:3

Ascatan nantianri nai murannoa ahuara tsoan oinyomisima cuscara un oian. Nan Satanás yoshin chaca famanhuan cuscarafiashu oshicoin siete mapoya. Ascashon ahuun mapotifi niaifoan maiti maia. Ascatarifi mucu rafuti mashoya.

Apocalipsis 13:10

Nan yoina pofu cuscaraton Jesús icoinra huamisi futsafo cunu muran iquimapaiquin iquimashquin. Ascan ato rutupaiquiri ato rutushquin.” Ascafia uhuun yoramishtichin shinanchacayamacahuun. Nan non Jesús icoinra huafoti non omitsiscafiaquin non tunucoinshquin nocon Ifo Jesús cachiquiri huashquima.

Apocalipsis 17:3

Asca huashon tsoan istaipama ano Diospan Yoshin Shara ua iyoa. Nannoa un oian nan ainfon yoina pofu cuscara oshicoin camaqui tsaoa. Nan yoina pofu ahuun yoratishon anu ichapa cunua. Nantifi nan anufo Diosqui tsain chaca cunua. Nan yoina pofu mapo siete ya. Masho mucu rafutiya.

Apocalipsis 17:6

Nan ainfon furoma cuscara Jesús icoinra huafo ichapa nan Jesús uhuun Iforan huamisifo ato rutumamisi un oian. Un na ainfo oin un mustairia. Un yoia, —¡Ajaa! Ascaran ainfon chaca un oinyomisimaran, —ishon un yoia.