Apocalipsis 10:1 - Sharanahua: Diospan Tsain

¹ Ascatan un oian Diosin ahuun oinmati afu ica futsa mutsisipacoin nai murannoashu fotoaiton. Coin camaqui fotoaiton ahuun caya un oian iscara. Maiti nanhuanfai ointsa maia. Ahuun fuso fasi chashacoian fari ointsa. Ahuun quishi rafu chi ointsari.

Apocalipsis 10:1 Iomraidhean Croise

Éxodo 16:10

Ascano Aarón ato yoiaino tsoa istaipama nan mainfin uhuapahuuri oianfo nan nai coinmanhuan ato iyoaino nan muran nocon Ifo Diosi chashatanaino nantifiton oinnifo. Ascaracai tsoa oinyomisima.

Daniel 10:6

Ahuun caya facafacaitsa nan toquiri ahuun anu topacio ointsa sharashtacoin icain nan ahuun fuso cana facaica ointsa icain ahuun furori nan faro ointsa icain ahuun fitash rafuri non ahuun poyan rafuri facafacaitsa nan cuno bronce ointsafo. Ahuun oi nan yoranhuarasi tsainquin nicatsa un nicani.

Mateo 17:2

Ascan nannoashu aton ointaifi Jesús ahuun yora mumacoin fianananriscatanaino ahuun fusori fasi chashacointani. Nan fari chashai ointsa. Ahuun sahuutiri oshopacoin nan yoa rama furoa ointsa ini.

Lucas 21:27

Ascaifoanno nantianri un nai ariashu coin camaqui mai ano fotoshquin. Ascaiton nantifiton ua oinshcani. Un Diospan facuashu uhuun curushhuunoashu un fotoaiton ua oinshcani. Un nantifi iquinai cuscan.

Hechos 26:13

Uhuun niaifoan, un Damasco fain caino fari masafinin racano nai murannoashu fasi chashariscatanaiton un oinni. Fari chashatiromaquian fasi chashacointani. U fu foainfoanno chashariscatani.

Apocalipsis 1:7

“Shinancapon. Nocon Ifo Jesús cooin camaqui afanan oaiton nantifi yorafo niafo futan namisifoanri oinshquicani. Nan mastamisifoanri oinshquin. Ascashu nocoaiton nantifi manifotifain ratucaquin yoishcani isca huaquin, ‘¡Ohuashta! Diospan Furun Jesús non chaca huamisishaquin non aqui ratucoinran,’ ishon yoishquicani. Nanscafin aashquiquin. ¡Amen!”

Apocalipsis 18:1

Ascatan Diosin oinmati futsan nai murannoashu mai ano fotoaiton un oian. Upa Diosin yonoa niaifo patashari nanton ahuamamishti atiro. Ahuunshon maifoti chashacoian.

Apocalipsis 18:21

Ascatan Upa Diosin ahuun oinmati afu nai muran icaton futsan mutsisipacoin toquiri uhuapacoin finifoantan unuhuan muran potaquin yoia isca huaquin, “Un na toquiri curushcai pota cuscan nanscarifiai Upa Diosin nan pushurasi anoafo Babilonia curushcai ato onaintimashqui coi munononfo. Cuyoriscatashquin afanan tsoan oinnacama.

Apocalipsis 20:1

Ascatan Diospan oinmati Diosin icariashu fotoaiton un oian. Shafi cuscara tsoma. Nan yoshin chacafo quininhuan faquish muran icafoqui atoqui fupoti fupoa. Nanno Diosin oinmati fupoti ahuun shafi cuscara yafi cuno pono uhuapa cuscara tsoma.

Apocalipsis 4:3

Nan nocon Ifo fasi sharashtacoin iscara un oian. Toquiri rafutan aton anu jaspe yafi cornalina nan rafu sharashtacoin faca facaitsa rafu. Nan jaspe oshoshara. Ascan cornalina oshin chushushara. Nanscarifiai nocon Ifo sharashtacoin faca facaitsa ointsa. Nahuan fai tonan shara cuscaraton a tsaoano tarati huaa.

Apocalipsis 5:2

Ascashon un oian Diosin oinmati mutsisipacoin nan afu nai muran ica. Nantori oi ashcafinin cunaquin isca huaa, —Na cunu non oinpai. Ascan chaca huamisima fustiton na tashna huatifo fuputiro na cunu non oinon. ¿Ascan tsoan chaca huamisimamun na cunu ahuun tashna huatifo noco fupushona non oinon? —ishon oi ashcafinin yoia.

Apocalipsis 8:13

Nanfo un oiainno un oianri Diospan oinmati tutumanhuan cuscara fasi cuya noyaiton un nica. Naanton oi ashcafinin yoiquin isca huaa, —¡Ohuashta! Diosin oinmati afu nai muran icafo rafu non fusti futsan aton manuti chaan chaan acaino mai ano icafo fasi mimacaia omitsiscashcani. Ascacun ¡Ai timafin! —ishon yoia.