1 Juan 5:3 - Sharanahua: Diospan Tsain

³ Upa Diosin noco yoia cuscan aquin non ahuunshon Dios noicointiro. Noco yonoa cuscacai curushma. Upa Dios noiashu noco yonoa cuscan non unimatiro.

1 Juan 5:3 Iomraidhean Croise

Éxodo 20:6

Ascan tsoan ua noicoinfain un ato yonoa cusca ai nan cuscarafo un ato ismashquin un fasi atohuun noicoin. Ascashon ahuun funafori nantifi ahuun yorafo nan mai furoti nantishotapiquin un ato ismai un atohuun noiyai cusca.

Daniel 9:4

Un uhuun Ifo Diosi cufinquin non chaca huai cuscan un yoia isca huaquin, —Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin.

Mateo 23:4

Mato ahuara ihuucoin papimafiashocai aton mucuman ahuashta mupaicanima. Nanscarifiai Moisés yononi cuscan nantifi huacahuun. “Fustishta finonmayamacahuun,” ishon mato yonoafo. Moisés yononi cuscan fasi finonmafain mato huamacani. Ascano marifi apaifiaquicai man atiroma. Ascashu maton nomuran man omitsiscafiaitocai matohuun ramapaicanima. Mato yonomisifo cuscacai aafi acanima.

Juan 14:15

Ua noifin un mato yonoai cuscan man aicai

Juan 15:14

Un mato yonoai cuscan man aifin ufu rafumisi man itiroquin.

Romanos 7:12

Man non tapia Upa Diosin noco yononi cuscan shafacafi sharacoin.

Romanos 7:22

Uhuun nomuran, —¡Aicho! Upa Diosin ua yonoa cuscan shararan, —ishon shinanfiai un nicayosmamisi. Ua yonoa cuscan mun tapifiashu un nicayosmamisi. Chaca uhuun ifono ufi sharapaiyain cuscan un atiroma. Uncai chaca shatutiroma. Ascano un tapitiro uhuun nomuranshon un Upa Diosin oinmati ipai ua yononi cuscan aashquin. Ascafia un Dios ifo huayamaino un chacapan ahuun oinmati itiro ua yonomapaiyai cuscan aashquin. ¡Ohuashta! Uhuun nomuran un omitsiscai. Unfin chacaquin. ¿Tsoan ua numatiromun chaca afanan uhuun ifo inonma? Nocon Ifo Jesucristohuunshon Upa Diosin noco numani chaca afanan noco ifo inonma. ¡Aicho! Upa Diosin, min noco shara huamisi.

Hebreos 8:10

“Un Israelifo yoishquiai cuscacai cunu fustihuunshon un ato tapimashquima. Ascatama aton nomuran uhuun tsain shara nanumafain aton nomuran cunui cafisca huaano. Nan un ato yonoai cuscacoin anonfo. Ascano un ato Upa Diosincoin iishquin. Nanfo uhuun yorafo iishcani.

1 Juan 2:3

Ascan Jesús noco yoimisi cuscan aquin non tapitiro non afu rafui. Nanton shinain cuscan non tapitiro norifi nannori shinanquin.

2 Juan 1:6

Noco yononi cuscan non ahuun noicain non futsafohuunri noicoinnon. Man tau huaquin nicamisi cuscan noco yononi isca huaquin, —Shafatifi non noinanoncahuun, —ishon yoini.