1 Juan 3:16 - Sharanahua: Diospan Tsain

¹⁶ Jesucriston fasi nocohuun noiquin noco nashoni. Afi nocohuunoashu napai noco nashoni. Futsafo noicoin atohuunoashuri non natiro.

1 Juan 3:16 Iomraidhean Croise

Mateo 20:28

Nanscarifiai futsa ua ashononcai un oama. Ascatamarocon un futsafo ashoyoi ua oa. Ascatari un atohuunoashu naashquin un oni afanan Satanás ato ifon inonma, —ishon noco yoini.

Juan 10:11

Ua icoinra huafo chashoan cuscarafo. Cushumisi yopacani. Unfin nan chashoanfo cushumisi shara cuscaraquin. Ascan na nocofununcai chashoanfo ifoshomacai ato cushusharama. Chashoanfo futsan cushumashofin ifoan aton pui inantiroquin. Ascan chashoanfohuunoa shinantamarocon pui fusti shinain. Ascaino masharo chashoanfoqui nocoaino nan cushumisi futsan ato cushusharatama ato potafaini ichotiro. Shinanquin isca huatiro, “Na masharo fasi musucoin. Nan chashoanfocai uhuunacoinmafinquin. Ascan na masharonun ato piquin nanscanon. Uncai ahuusca huatiroma un ato numapanan. Unfin atomaqui ichoicaicain masharonun ua ahuusca huanonma,” ishon shinantiro. Chashoanfoan aton ifocoincai ascatiroma. Afifin ahuun chashoanfo cushusharatiroquin masharonun ato pinonma. Shinantiro isca huaquin, “Uhuun chashoanfohuunoashucaifin un natiroquin. Nanfocairocon ahuuscanonma,” ishon shinantiro.

Juan 13:34

Tsain funa futsa un mato yoicain, “Noinancahuun. Nan un matohuun noiai cuscari huafain marifi noinancahuun.”

Juan 3:16

Unfin Upa Diosin Facu fustiquin. Ascafiashu nantifi yorafohuun fasi noiquin ua nichini atohuunoashu un nanon. Nan ua icoinra huafoti omitsiscapatamarocon Upa Dios fu ipasharanonfo.

Hechos 20:28

Diospan Yoshin Shara matori yonoa Jesús icoinra huafo yoisharanon. Ascan oinfain. Isharacahuun. Diospan yorafo cushusharacahuun. Jesús ato nashoaino ahuun imi foni ahuun yorafo inonfo.

Romanos 16:4

Futsafoan ua rutupaiyainfoan nan rafutan ua numaifoan ato rutuqui rashquinifo. Uhuun caifomari Jesús icoinra huafoan ichanancashon yoimisifo isca huaquin, —Priscila yafi Aquila non fasi atohuun noiran, —ishon yoimisifo.

Romanos 5:8

Ascafiacun non Diosquiri chaca huafiainton nantianri Cristo nocohuunoashu nani. Ascano Upa Diosin noco ismani fasi nocohuun noicoinquin.

2 Corintios 4:12

Ascacun Jesushuunoa non mato yoiaiton futsafoan noco rutupaifiaifoanno non mato yoimisi man icoinra huashu afu nipanon.

Efesios 5:2

Cristo nocohuun noicoinquin noco nashoni nocon chaca soashoshquin. Upa Diosin ahuun facuhuun fasi noicoinfia unimani futsafohuunoashu naiton oin. Ascano Criston noco noimisi cuscan marifi nantifihuun noicoinfafaincahuun.

Efesios 5:25

Ascan nocofunufoan maton ahuinhuun noicoincahuun. Cristo noco noiai cuscan huafain maton ahuinhuunri noicoincahuun. Non icoinra huafoti nocohuun noicoin Criston omitsiscacain noco nashoni nocon chaca soashoshquin ahuun yorafo non inon. Non ahuun tsain icoinra huaiton noco catonni nan chaca huayomisima cuscara noco imashquin.

Filipenses 2:17

Un mato yoisharamisi man Jesús icoinra huacoinnon. Asca Upa Dios un yoitiro isca huaquin, —Upa Diosin, mian yononi cuscan un Filiposofo min Furun Jesushuunoa yoimisi. Nan icoinra huanonfo min ato yoiai cuscan acoinonfo. Un ato mia icoinra huamahuunshon ua rutushquicaniran, —ishon un Upa Dios yoitiro. Ascano ua rutufiafo uhuunshon man Jesús icoinra huano un unimatiro. Ascacun marifi ufu unimacahuun Diosin ua shara huaino un matohuunoashu natiro.

1 Tesalonicenses 2:8

Non mato fasi noicoinquin unimacain non mato Diosin tsain shara yoifiai nan fusti non mato inanmusharapaoni fasi matohuun noiquin.

Tito 2:13

Non nanscara Diospan tsain tanasharashon man non tapia nocon Diosin ahuamamishti huamisi nan nocon Numamisi Jesucristo chipo nocoqui oi. Nan oaitian nantifiton oinshquicani nocon Ifon ahuu cuscara sharamainquin nantifi finoncoian. Ascacun non fasi oinpaiquin non manasharai.

1 Pedro 1:18

Man manfin tapiaquin nocon shunifoan noco tapimapaoni cuscacai afoan noco numapacutiroma non afanan chaca inonma. Nan pui paratamacoinfiashocai noco numatiroma non afanan chaca huanonma. Nan pui chicoinfiashu nanfori cuyoi futsushquin.

1 Pedro 2:24

Jesusfin noco ihui coyan iquinanquinoashu noco nashoniquin. Nantifi nocon chacafo amuran cuyoinanni non afanan chaca huatamarocon non a cuscara shara ipanon. Nan isi muahuunshon noco caya huamai non afu ipanon.

1 Pedro 3:18

Cristocai ahua chaca huamisima. Nan fustifin sharaquin. Nantififain man non chaca huamisi. Cristo ahua chaca huayamafiamisishaquin nocohuunoashu nani nocon chaca noco soashoshquin. Afanancai nanacama. Noncai afanan ahua yopapacunacama nocon chaca soashonano. Man naafiashu Apan ahuun Yoshin Sharahuunoashu funini. Ascashon Apa Dios icari noco iyoshquin.

1 Juan 2:6

Ascan futsan shinanquin isca huai, —Un Jesús fu rafucoinran, —icafin Jesús icai cuscari arifi itiroquin.

1 Juan 2:9

Ascafia ratoran yoran yoiquin, —Un Jesushuunoashu shafacafi icaran, —ifiatan yora noicasmashu aacai shafacafi icama. Atoncai Diosin tsain nicacoiantaima.

Apocalipsis 5:9

Ascano nantianri nanfo fanainti funapan fanainquin iscafo, “Min chaca huayamafiamisicun mia rutunifo. Ascashu nantifi yorafo manifoti min noco nashocai min imi foni Satanás afanan nocon ifo itama Upa Diosin ahuun yorafo non inon. Ascacufin mirus fusti nan cunu Upa Diosin tsoma min fitiroquin. Ascashon ahuun tashna huamuafo min noco fupushotiro amuran cunua cuscan noco tapimashquin. Mihuunshon mia icoinra huafoti Diospan yorafo itirofo. Ascano nanfoanri futsafo min tsain shara ato tapimanano min ato amapaiyai cuscan anonfo. Ascacun non maifoti anoafoan niaifo patashari iishquiran,” icashu fanaincafo.