1 Juan 2:16 - Sharanahua: Diospan Tsain

¹⁶ Ahuara chacafo aton ifono yorafo imisi cuscan un mato tapimai. Ahuara chaca fuchipaifain ahuara chaca oinquin mupaimisi icain —Un ahuarayashufin un isharaquin un futsafo finoncoian. Uncai futsafo cuscarama, —icashu cacapaimisi. Ascara chacafocai Upa Diosin noco amapaima. Ascara chacafoan yoshin chacahuunshon noco amapai.

1 Juan 2:16 Iomraidhean Croise

Génesis 3:6

Nicaquin foisquin oian fimi sharashtacoin ini. Ascashon ahuun nomuran shinanquin, —Na fimi pishon raca ahuara sharafo onanmisi un itirocati, —ishon shinanni. Ascashon fiitan pishon funu nanno oinaino arifi pimani.

Salmos 73:6

Yoran tuhuuti sahuua nantifishon ointirofo. Nanscarifi ai yorafoan nantifiton ointirofo nanfo fasi cacapaimisifo. Tsoanshtahuuncai ramapaitirofoma. Futsafo omitsiscamafiaquicai atohuunoa tsoan shinanfoma.

Daniel 4:30

Fomancayashon pushu rasi oinquin yoini isca huaquin, —¡Aicho! Unfin nan pushu rasi Babilonia anoa acaquin nanno niaifo inon. Unfin uhuun curushhuunshon acaquin nuno ishquin. Nantifiton oincaquifin tapitirofoquin unmain ahuamamishti huatirocun, —ishon yoini.

Números 11:34

Ascashon nantian nanno anunifo Kibrot-hataava. Onicoinnin tsainman, —Tushu futsan fusti pipaiquin shinainfo man naa. Ascacun ato mai huaforan, —ishon anunifo.

Números 11:4

Nan Israelifo foaifoanno yora futsafori ato fu fonifo. Afocai Israelifoma. Caifo futsafo. Nanfoanfin ahuara sharafo fusti Egipcio mai ano fasi fuchipaicaniquin. Ascashu nanno fasi nasopaicani. Nanscaifoan oincani Israelifoanri tsain chipunifo. —¡Ohua! Noncai nami ayama.

Mateo 4:8

Ascaiton afanan Satanás Jesús machi cuyamamaquin iyoshon nan manifoti sharashtacoin oinmani.

Mateo 5:28

Aafin iconquin. Ascarifi un mato yoirifi huai. Tsoa ainfo ahuun ahuinma oinquin ahuun nomuran shinain, “Un nan ainfo chotapainonran,” ishon nannori shinanquin a chotacoin shinantsai.

Lucas 4:5

Satanás Jesús nai sumunmun iyoshon arishon manifoti ismariscatani.

Romanos 13:14

Ascatama nocon Ifo Jesucristo icai cuscan acahuun. Ahuarafoan mato chaca huamatiro afohuunoa shinanyamacahuun chaca huashcaquima.

1 Corintios 10:6

Ascashofin nanfoan chaca fuchipaipaonifoquin. Ascacufin nanfohuunoa Diosin Yoshin Sharapan noco tapimaniquin chacafo fuchipaipaonifo cuscan norifi non ascaran fuchipainonma inifo cuscan omitsiscashquima.

Gálatas 5:17

Non nocon nomuranshon non chaca huapaiyai cuscacai Diosin Yoshin Sharapan anori shinantiroma. Ascashon ahuun Yoshin Sharapan noco amapaiyai cuscan noco nomuranshon non shinanchacafiain noncai ascapaitiroma. Nocon nomuranshon non shinanpaoni cuscaracai Diosin Yoshin Sharapan ahuun shinan cuscarama. Asca nofin non apaiyai cuscacai non huatiroma. Non chaca shinanpaoni cuscan non ayamaquin Diosin Yoshin Sharapan nocon nomuran yoia cuscan non nicacointiro.

Gálatas 5:24

Cristo Jesús ahuun yorafoan chaca huapaonifo cuscan ihui coyan iquinanqui man mastanifo aton chaca nantifi cuyonon. Jesús ihui coyan iquinanqui noco nashoni nocon chacafori afu mastai cafisca non a cuscara shara inon. Non chaca huapaoni cuscacai non afanan asca huapaima.

Efesios 2:3

Nantifi non nicayosmamisi cuscarari ipaoni. Non ahuara chaca huapaiyai cuscan non huapaoni. Non chaca shinanmisi cuscari non huapaoni. Upa Diosin nantifi nicayosmamisifo ato onaintimacoin omitsiscapanonfo. Norifi non ato cuscara chacacaifia nan icaifo cuscan non aiton nocorifi onaintimacuana.

Tito 2:12

Ascano nan tsain non icoinra huaiton nocorifi tapimai non afanan Diosimaisi inonma. Ascashocai non chaca huapaoni cuscan non afanan atiroma. Ahuaraton noco shinanchacamapaiyai cuscacai non afohuunoa shinantiroma. Ascatama ahuara ahuuscarafiaino non isharatiro. Natian Upa Diosin noco amapaiyai cuscan fusti non atiro.

Tito 3:3

Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

Santiago 3:15

Anoricai Upa Diosin mato tapimamisima. Jesús icoinra huamafoan shinanchacamisifo. Man ascashon Satanás yoshin chacapan mato amaquiri shinanchacamamisi.

Santiago 4:16

Ascafia mancai ascara shinanmisima. Ascatamarocon man yoiquin isca huamisi, —Ufin un apaiyai cuscan un huatiroran, —ishon man shinanmisi. Ascashu man cacapaimisi. Man ascafin fasi chacacoinquin.

Josué 7:21

Non Jericó mai ano cuyoaitian un oian sahuuti fasi sharacoin mai futsa Babilonia anoshon futsan Jericó mai ano fuaiton un oian. Nan ahuara shara un oian nan doscientos toro cuno oshopa facafacaitsa oinfain oro medio kilo un oian. Un fasi nanfo fuchipaicoinquin un nanfo fishon un onua. Natian uhuun pano pushu muran un mai hua. Nan sahuuti fasi sharacoin un mai hua nonanmanri un oro medio kilo non doscientos toro oshopafo facafacaitsa un mai huaitaran, —ishon Acán Josué yoini.

1 Pedro 1:14

Manfin Diospan facufoquin. Ascan Upa Dios nicasharacahuun. Mato amapaiyai cuscacai man tapiyopaonima. Man chaca huapaoni cuscan afanan shinanyamacahuun.

1 Pedro 2:11

Uhuun yoramishtichin un mato yoisharapaiyai cuscan ua nicasharacapun. Non icoinra huamafo muran ifiashucai non atofu ipanacama. Noncai aton yoracoinfoma. Ascafia nan icoinra huafoma icaifo cuscan ayamacahuun. Mato amaquiri shinanchacamapaifiaifoan ascara shinanyamacahuun. Nanfoan maton nomuran mato chaca huamapaicani.

2 Pedro 2:10

Nan aton nomuran shinanchacamisifoan ahuara chaca fusti huapaiyaifo cuscan huamisifo. Nanfoan noco Ifo Cristo nicacasmamisifo. Ascan nan cuscara yorafo Diosin ato onaintimaquin finacoinshquin. Nan cacapaimisifoan shinanquin isca huamisifo, —Tsoancai noco yonotiroma, —ishon shinanfafaimisifo. Diospan nai oinmati sharafori roafiaicai tsoa musutirofoma.

2 Pedro 2:18

Nan chanishunifo fasi cacapaimisifo. Ascashon yoitirofo isca huaquin, —Non tapia cuscacai tsoa futsan tapiama. Nan futsafoan atirofoma cuscafin non huatiroquin, —ishon ipaitsi yoifiacanashu chanimisifoquin. Futsafoan ato chacan ramashta shatufiacanashu nan paramisifoan ato yoitiro isca huaquin, —Min futsan ahuin fu ipaiyai cuscafin sharaquin. Ahuunfin min fasi unimatiroquin. Non anoncahuun, —ishon futsan iyotiroquin futsa afanan chaca huamashquin.