1 Juan 2:10 - Sharanahua: Diospan Tsain

¹⁰ Tsoan yorafohuun noi aafin shafacafi icaquin. Oinsharaicai non pacutiroma. Nanscarifi aquin tsoan shafacafi ishoncai ahua chaca huafafaintiroma.

1 Juan 2:10 Iomraidhean Croise

Salmos 119:165

Asca tsoan min tsain noiaifin nantofin ahuun nomuranshon chacafohuunoa shinainmaquin. Nanscara yoracai ahuara chacapan ato pacumatiroma.

Mateo 18:7

Ascano nan icoinra huamafoan futsafo chaca huamamisi. Ascafia nanfocaifin fasi omitsiscacoinshcaniquin. Ascashon mato chaca huamapaifafaincani. Ascafia nan futsa chaca huamafocaifin fasi omitsiscai finacoinshcaniquin.

Juan 11:9

—Shafatan non oinsharatiro. Farin chashaino non oinsharatiro pacushquima. Nanscarifiai shafatifi uhuun Upa Diosin ua amapaiyai cuscan ua tapimamisi. Ua cushuano un funotiromaquin. Uricai un musutiroma.

Juan 12:35

Jesús ato yoiquin, —Uncai mato chashamashoriaima. Un mato yoia cuscan nicasharacahuun funoshcaquima. Chashamati yamaino faquish itiro yora funonon. Tsoa faquish muran caquin fai funomatiro. Rani caimancai tapitiroma.

Juan 8:31

Ascano Jesús nocon caifo nan icoinra huafo yoini, —Un mato yoiai cuscan nicacoianshufin uhuun tanamisicoin man itiroquin.

Romanos 14:13

Ascacun afanan icoinra huafohuunoa tsain chaca huayamacahuun. Noncai ahua chaca huaima noco oincashon arifi chaca huanonfoma.

Filipenses 1:10

Ascashon man tapitiro ahuamain shara iyamarai chacaquin. Ascano man Jesús fu rafuashu nan cuscara sharacoin man itiro. Tsoanshtacai matohuunoa ahua chaca ointirofoma nan Cristo oaitian.

2 Pedro 1:10

Ascacun uhuun yoramishtichin Upa Diosin mato amapaiyai cuscan nantifi acahuun. Ascashon man tapicointiro mato catonnicun ahuun yorafo man inon afu ipashquin. Ascashucai man chaca huapaoni cuscan man afanan nasopacunacama.

1 Juan 2:11

Ascafia ratoran futsan futsa noicasmaicai aacai shafacafi icama. Chaca huafafaini. Chaca huafafainquicai ahuun nomuran shinantiroma ahuun chaca shatushquin. Ascafia tapiama man fasi funocoian.