Yogikoneatimogetunkanirira Joan 21:3 - Iriniane Tasorintsi

³ Impo nokemi onianunkani oponiaenkatantaka ipirinitantarira Tasorintsi Igoveenkariegite maganiro arioenkarikatyo kara okantagani: “¡Atsi gekava! Maikari maika itentagaigakari Tasorintsi matsigenkaegi. Irirori inkantakani inkonoiigakempari irashintaigakemparira. Iriroegi inkantakani inkantaigakeri: ‘Apa Tasorintsi.’

Yogikoneatimogetunkanirira Joan 21:3 Iomraidhean Croise

Joan 1:14

Yogari Kirishito ipokuti aka kipatsiku imechotakera ikañotasanoigakai aroegi ikonoivageigakai. Aneaigakeri ikoveenkatakera, intitari Itomi Tasorintsi paniro ikantakara irirori. Pairo ikavintsaantavageti, aikiro yogikoneatimotasanoigakai tyara ikanta Tasorintsi.

Joan 14:23

Ikantiri Jeso: —Tyanirika tasanotana itsatagiro nokantagetakerira. Yogari Apa intasanotakempari. Naro nontentakempari Apa nompokaigakera nontimasurentaigakerira.

2 Korintokunirira 6:16

Aroegi antiegi ivanko Tasorintsi ikantakanirira itimi, itimasurentaigakaitari Isure. ¿Matsi agaveaigake antentaigakemparira shineventavageigaririra ipegageigirira itasorintsite kogapage ankemavakagaigakempara? ¡Garatyo agaveaigi! Ikantaketari Tasorintsi: “Nontimimoigakeri nontentavageigakemparira; panirosanotyo naro nonkantakempara inkematsaigakenara, narori nashintasanoigakempari.”

2 Korintokunirira 6:18

ovashi nompegaigakempi notomiegi aikiro noshintoegi nosentavageigakempira. Ariotari ikantakeri maika Pitinkami pairorira yagaveavageti.”

1 Tesaronikakunirira 3:11

Nokogaigake iragamaakoigakenara Apa Tasorintsi intiri Atinkami Jesokirishito nagaveaigakeniri nompokaigakitera noneaigakitempira.

Evereoegi 11:16

Kantankicha onti ikogaigake pashini pairorira avisake onkametitakera intimantaigakemparora, irorotari enokutirira. Nerotyo Tasorintsi tera impashiventagaigempari inkantakera: “Inti notomiegi”, ontityo yovetsikaigakeneri pankotsipage enoku intimantaigapaakemparira.

Evereoegi 8:10

Ogari nonkantaigakeririra impogini onti onkañotakempa maika: Nosuretagaigakempari magatiro nokogagetirira gara imagisantaigiro inkantakani isureigakemparo. Ario pinkante nashintasanoigakempari, iriroegikya kematsatasanoigakenane.

Evereoegi 8:2

Yogari saseroroteegi iyashikiiganakerira Irevi iniapiniigiri Tasorintsi ivankoku yovetsikaigakeneririra yashikiiganakairira aka kipatsiku, kantankicha yogari Asaseroroteegine onti ipiriniti anta enoku ivankosanoriraku Tasorintsi yovetsikakerira irirori.

Yogikoneatimogetunkanirira Joan 10:4

Iroro nontsirinkakogetakeromera okantaigakerira kareti, kantankicha nokemi iniaitakena inkiteku ikantaitana: “Gara pitsirinkakogetiro okantaigakerira oga 7 karetipage, aikiro gara tyani pikamantumati.”

Yogikoneatimogetunkanirira Joan 10:8

Impo imaitaana aikiro iniaitaanara inkiteku ikantaitana: “Piate gutero pigireankicharira sankevanti yapagotakerira isaankariite Tasorintsi yonta gatikaatakerorira omaraani nia ontiri kipatsi.”

Yogikoneatimogetunkanirira Joan 12:10

Impogini nokemi onianunkani enoku omaraenkarika kara okantagani: “Maika mataka yogavisaakotantake Tasorintsi. Maika oneinkani yagaveasanotanakera irirori ipegasanotakara Igoveenkariegitesanorira maganiro. Ario ikañota yoga Kirishito, irirotari ikogakagake okyasanokyara impegakempara Koveenkarisanorira, maika itentakari ipegasanotakara Igoveenkariegite maganiro, yoneagunkanitari parikoti yoga kantakanirira yaratinkimotakeri Tasorintsi ikamantakotapiniigirira apigematsaegine ikogavetakatari inkañotagantaigakerimera.

Yogikoneatimogetunkanirira Joan 21:7

Yogari gaveankitsinerira ishintsitashitakerora magatiro terira onkametite nonkavintsaakeri nompakerira magatiro nashintagetarira naro irashintakemparora. Narori nontomintakempari, irirokya kantakenane: ‘Apa Tasorintsi.’

Yogikoneatimogetunkanirira Joan 22:3

Gara otimumati terira onkametite, ariotari inaigakeri kara Tasorintsi intiri Ovisha ipegaigakara Igoveenkariegite maganiro matsigenkaegi. Yogari iromperaneegi inkantakani irishineventaigakempari.

Yogikoneatimogetunkanirira Joan 7:15

“Irorotari itentantaigakaririra Tasorintsi kantanakaniroro yantavageigira kara ivankoku. Irirori inkantakani intentaigakempari garatyo tata gumaigairi.