Yahuda 1:7 - Maləmce Məfele mala Ɓakuli: Kurcau Məbəshe

⁷ Ɗǝm ngga wu ɗenyi nǝ gir mǝnana kum amǝ Sodom andǝ Gomora, andǝ acili ala mǝnana abania tu, mǝnana à kuti aɓa do kìɗìkì mala nonggi nǝ rǝarǝu andǝ pakki agir suno nongnǝban mǝnana kyanggi do mǝɓoarne ka, kǝla mana amǝturonjar mǝno pe ka. Ɓakuli sok bǝsa amuria, ace mǝnana ɓǝ̀ duk girkani aban aɓwana kat, mala pibǝsa mǝnana malkiyi raka.

Yahuda 1:7 Iomraidhean Croise

Matiu 10:15

Ən nggǝ na wun mǝsǝcau, a pwari ɓashi ka, amǝ Sodom andǝ amǝ Gomora ka, ɓashi malea nǝ̀ ɓoari mala amǝla mǝno.

Matiu 11:24

Sǝ ǝn nggǝ no ama, gir mǝnana nǝ̀ kumo a pwari ɓashi ka nǝ̀ ɓike nǝ̀ kuti gir mǝnana nǝ̀ kum nzali Sodom ngga.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Luka 17:29

A pwari mǝnana Lotu purî ɓa Sodom ngga, bǝsa andǝ amǝsǝtali bǝsa nya nǝ kuli amur amǝ Sodom twaltea kat.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

2 Bitǝrus 2:2

Aɓwana pas nǝ̀ kpata kusǝia mala ɓiki do kìɗìkì mala nongginǝ-rǝarǝu, sǝ ace amǝnia yì amǝkanigir mǝ'nyirì ka, aɓwana nǝ̀ ɓǝsǝki njar mala mǝsǝcau.

2 Bitǝrus 2:6

Ɗǝm ngga Ɓakuli ɓasha anggea-là mala amǝ Sodom andǝ mala amǝ Gomora, pisǝia à pǝlǝ agigi mala tú. Pǝlǝa cia à duk girkani arǝ gir mǝnana nǝ̀ kum amǝ ɗwanyi kpata Ɓakuli.

2 Bitǝrus 3:7

Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.