Yahuda 1:4 - Maləmce Məfele mala Ɓakuli: Kurcau Məbəshe

⁴ Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.

Yahuda 1:4 Iomraidhean Croise

Matiu 13:25

Lang aɓwana na ntulo kat ka, ɓimǝbura yiu yi ɓeal nkwangŋan aɓa mǝssa, sǝ pǝlǝa o.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 15:24

Sǝm o ama aɓea aɓwana mana sǝm nǝ̀ turia raka, à pur aɓalǝ sǝm à yiu aban wun à yì zurǝi mur wun, à zunggǝli ɓabum wun nǝ acau mana à bang ngga.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

1 Timoti 5:8

Sǝ ko ɓǝ̀ ya ɓwa na kat mǝnana kǝ tsǝk kir aɓǝla male, nggeamurǝmi ka amǝɓala male raka, man yì ɓwa ka pangŋǝna ce paɓamuru male ɓa, yale ɓwa mǝnana surǝ Ɓakuli raka, ɓoari wi.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

2 Timoti 3:6

À ndaka aɓwana mǝnana à kǝ swár zàng, à kǝ kutiki arǝ aɓala mala aɓwana, à kǝ swár amamǝna amǝ'ɗwanyi sǝlǝe, mǝnana cauɓikea akina ɓabumia, sǝ à kǝ ɓangŋa ata koya ulang suno mǝɓane ka.

1 Bitǝrus 2:16

Wu dukdo kǝla aɓwana mǝnana à panzǝnia à kumǝna ɓamuria ka, sǝ ce wu pǝlǝ panzǝban ma'wun, dupa wun njargula pakki aɓealɓikea ɗang; ɓǝ̀ do ma'wun pa kǝla aguro mala Ɓakuli.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.

1 Bitǝrus 4:18

Ɗǝm ngga, “Ɓǝ̀ nda bǝti sǝ amǝ'ɓealɓoarna nǝ̀ au ka, mana nǝ̀ kum amǝ'ɗwanyi kpata Ɓakuli andǝ aɓwana mǝnana amǝ'cauɓikea na ka?”

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

2 Bitǝrus 2:7

Sǝ Lotu mǝnana mǝɓealɓoarna na ka Ɓakuli amsǝi aɓa Sodom. Ɓakuli amsǝi acemǝnana yì ka, kuti aɓa ɗwanyi banɓoarnado andǝ bumkiɗikea arǝ do kìɗìkì mala nongginǝban mala amǝ'ɓealɓikea.

2 Bitǝrus 3:7

Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.

1 Yohana 2:22

Yana nda mǝ'nyir? Kǝ nda ɓwa mǝnana ginǝ eare ama Yesu nda Kǝrǝsti, yì ɓwa mana Ɓakuli tarrì ka. Ɓwa mǝnana kat makgir Ɓakuli Tarrû andǝ Muni ka, nda kǝ ɓimǝbura mala Kǝrǝsti.

Yahuda 1:15

ace yinǝ ɓashi amur ɓwapǝndǝa kat. Nǝ̀ yia mak aɓwana kat mǝnana à surǝ Ɓakuli raka nǝ ɓashi, ace agir mǝnana kat à pea aɓa do malea mala ɗwanyi surǝ Ɓakuli ka, andǝ acau mǝɓike mǝnana amǝ'cauɓikea, amǝ ɗwanyi surǝ Ɓakuli ne amuri ka.”

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”

Sǝna 15:4

Yana ɓwe na pà nǝ̀ ɓanggo raka? Yana ɓwe na nǝ̀ ginǝ pe lullǝo gulo, We Mǝtalabangŋo? We nǝmurǝo ɓǝrɓǝr, a nda Mǝfele. Aɓwana arǝ anzali kat, à nǝ̀ yia peri a ɓadǝmbǝo, acemǝnana aturo ɓealɓoarna mo ka, à pusǝna rǝia.”