Yahuda 1:3 - Maləmce Məfele mala Ɓakuli: Kurcau Məbəshe

³ Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.

Yahuda 1:3 Iomraidhean Croise

Amǝ Mishan 17:3

kǝ mǝnggi ɓalǝ acau, kǝ lǝmndǝia wia ama, Kǝrǝsti Mǝ'amsǝban ngga dumǝna púp nǝ̀ nu tanni sǝ nǝ̀ loapi ɓembe nǝ yilǝmu. Ɓǝsǝlǝi banggia wia ama, “Yì Yesu mana ǝn nggǝ hamnǝ ce ka, nda kǝ Kǝrǝsti Mǝ'amsǝban.”

Amǝ Mishan 18:28

Yì ka, gandǝ amǝ Yahudi mǝnana à lo makgir nǝi ka nǝ cau, aɓalǝ aɓwana mana à ram kat ka. Kǝ lǝmndǝia wia aɓa Malǝmce mala Ɓakuli ama, Yesu nda Kǝrǝsti Mǝ'amsǝban.

Amǝ Mishan 20:27

Acemǝnana kane kat mǝnana Ɓakuli ndanǝi a ɓabumi, sǝ kǝ earce ama ɓǝ̀ wu surǝì ka, ǝn nyar nǝ tam arǝ hamnǝ ce aban wun ɗang.

Amǝ Mishan 28:28

Pǝlǝa Bulǝs masǝlǝ cau ama, “Ado ka, wu sǝlǝ ama, Cau Amsǝban mala Ɓakuli ka, à tasǝni aɓwana mǝnana amǝ Yahudi na raka. Yia ka à nǝ̀ kwaki kiria à nǝ̀ o!”

Amǝ Mishan 4:12

Amsǝban ngga à kǝ kumi aban Yesu nǝmurǝì, Ɓakuli pa ma ɓe kǝ lullǝu aɓa ɓanza, mǝnana nǝ yì sǝ aɓwana nǝ̀ kum amsǝban ngga ɗang.

Amǝ Mishan 6:7

Anggo sǝ cau mala Ɓakuli lidǝmbǝa kǝ akiban. Amǝkwaɗi mǝnana a Urǝshalima ka, à lidǝmbǝa nǝ lakki. Sǝ apǝris pas paɓamuria aban kpata Yesu.

Amǝ Mishan 9:13

Sǝ Hananiya eare ama, “Mǝtalabangŋo, ǝn ongŋǝna cau mala mǝnia yì ɓwa ka a kun aɓwana pas, andǝ gir'murmwana mǝnana lǝmndǝia aɓwana mo mana a Urǝshalima ka.

Amǝ Mishan 9:22

Hama mala Sawul ka dum nǝ rǝcandǝa, yale amǝ Yahudi mǝnana a Damaska ka, à gandǝ makgir mǝsǝcau mǝnana lǝmndǝia wia ama Yesu ka nda Kǝrǝsti Mǝ'amsǝban ngga ɗang.

1 Amǝ Korinti 15:3

Ən pana wun gir mǝnana kutibanì kat ka, yì gir mǝnana à pami gbal ka ama: Kǝrǝsti wu ace acauɓikea ma'sǝm, kǝla mana Malǝmce na ka.

Amǝ Galati 2:5

Sǝ sǝm ɓinǝ gbal kpekpe, sǝm nyinggia wia njargula ko bǝti ɗang. Eare ma'sǝm ngga, ɓǝ̀ sǝm yal mǝsǝcau mala Cau Amsǝban ace wun.

Amǝ Galati 3:28

Kǝ cau pà kàm ɗǝm ama ɓwa man ngga ɓwa Isǝrayila na ko ɓwa Isǝrayila na raka ɗang, ɓwa man ngga guro na ko guro na raka ɗang, ɓwa man ngga ɓwabura na ko mɓwama na ka ɗang. Wun ado ka, wu dumǝna mwashat aɓa Kǝrǝsti Yesu.

Amǝ Galati 6:11

WU SƏN ATƏRGILE MƏGULKE MƏNANA ƏN NGGƏ GILƏA WUN MASƏLƏATA ACAU MEM NƏIA, NƏ NGGEARƏ BUAM NGGA.

Amǝ Afisu 1:1

Mǝnia yì cautera ka pur nǝ bu Bulǝs, mǝnana à tàrì, à twali nǝ eare mala Ɓakuli ɓǝ̀ duk mǝ'mishan mala Kǝrǝsti Yesu ka. Gilǝ mǝnia yì cau ka aban ká aban aɓwana mala Ɓakuli, yì amǝkwaɗi mǝnana à pa ɓamuria aban Kǝrǝsti Yesu nǝ mǝsǝcau, a nggeala Afisu ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Kolosi 1:2

Aban ká aban aɓwana mala Ɓakuli mǝnana a nggeala mala amǝ Kolosi, yia amǝ'eamrǝarǝu aɓa Kǝrǝsti mǝnana à dum nǝ mǝsǝcau aban Ɓakuli ka. Tár sǝm Ɓakuli ɓǝ̀ pa wun ɓwamuru andǝ dorǝpwala.

1 Amǝ Tasalonika 2:2

A dǝmbe ka sǝm nu tanni sǝ à pakka sǝm gir kǝsǝkya a Filipi, kǝla mǝnana wu sǝlǝ ka. Sǝa ma Ɓakuli ma'sǝm pakka sǝm gbasha sǝm dumnǝ mǝsǝkang-kangŋa aɓa hamba wun Cau Amsǝban male, kat andǝ amani ama aɓwana lǝmndǝa sǝm ɓinǝcau mǝkǝrkǝr nì ka.

1 Timoti 1:18

We munem Timoti, mǝnia ka à nda ka kwarkiru mem abano, kǝla mǝnana cauɓangna mala Ɓakuli bangŋa a muro ɗiɗyal ka. Mǝnia ka ɓǝ̀ po rǝcandǝa mala munǝo pepe aɓalǝ a'lwa mala Mǝtalabangŋo.

1 Timoti 6:12

Munǝ munǝo mǝɓoarne mala paɓamuru. Bwal kàngkàng arǝ yilǝmu mǝnana málá male pà kàm raka, mana Ɓakuli tunǝo ace, sǝ a náná paɓamuru mo a rǝì a ɓadǝmbǝ amǝnakun pas ka.

2 Timoti 1:13

Bwal kanigir mǝɓafoe mǝnana a kanì abanam ngga, ɓǝ̀ dupo girkani mǝnana a nǝ kpate ka, sǝ pè aɓa paɓamuru andǝ earcearǝu mǝnana ndakam aɓa Kǝrǝsti Yesu ka.

Titus 1:4

Ən nggǝ gilǝì Titus, munem mǝ'mǝsǝcau nì aɓa paɓamuru mǝnana sǝm kat sǝm nda a ɓalǝi ka. Ɓǝ̀ Tar sǝm Ɓakuli andǝ Kǝrǝsti Yesu Mǝ'amsǝ sǝm, bwalo kam nǝ ɓwamuru andǝ dorǝpwala!

Amǝ Ibǝru 13:22

Ən nggǝ zǝmbǝa wun, wun amǝ'eamrǝarǝu, wu tsǝk ɓalǝ wun arǝ mǝnia yì gbǝlǝm cau ɓakɓabum ǝn gilǝa wun ngga.

Amǝ Ibǝru 6:9

Wun amǝ'eamrǝarǝu mǝnana ǝn earkiyi cea ka, ko kat andǝ amani ama sǝm bangŋa ana ka, sǝm ndanǝ mǝsǝkang-kangŋa ama, wu ndanǝ agir mǝɓoarne mǝnana à kǝ yiu a tarǝia andǝ amsǝban ngga.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

2 Bitǝrus 2:21

Ɗwanyi surǝ njar mala do ɓealɓoarna malea ka ɓǝ́ ɓoarǝni banì amur mǝnana à surǝni sǝ à pǝlǝ nzǝmia arǝ nzongcau mǝfele mǝnana à pea wia ka.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.

Yahuda 1:17

Sǝ wun, agyajam mem ngga, wu ɗenyi nǝ agir mǝnana amǝ'mishan mala Mǝtala sǝm Yesu Kǝrǝsti bang ɗiɗyal ama à nǝ̀ yia kumban ngga.

Yahuda 1:20

Sǝ wun agyajam mem ngga, wu lidǝmbǝa nǝ ɓak rǝarǝ wun aɓa dokwaɗi ma'wun nggea mǝfele. Wu kǝ pak hiwi aɓa rǝcandǝa mala Bangŋo Mǝfele.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.