Amǝ Mishan 4:2 - Maləmce Məfele mala Ɓakuli: Kurcau Məbəshe

² Yia ka bumia lul kǝrkǝr, acemǝnana Bitǝrus andǝ Yohana na ban kani aɓwana gir ama, nǝ ban Yesu sǝ aɓwana nǝ̀ kum lo a ɓembe.

Amǝ Mishan 4:2 Iomraidhean Croise

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 19:23

Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo.

Amǝ Mishan 24:21

Kǝ cau mwashat mǝnana à nǝ̀ yiu nǝi a rǝam ngga nda mǝnana ama ǝn loasǝ giem aɓa ndaɓashi aban na ama: “Mǝ ndaban cam ɓashi a ɓadǝm wun yalung ace earnǝ cau mǝnana mǝ ndanǝi ama alú nǝ̀ lo a ɓembe nǝ yilǝmu ka!”

Amǝ Mishan 26:23

À bangŋa ama Kǝrǝsti, yì ɓwa mǝnana Ɓakuli turi ka, nǝ̀ nu tanni sǝ nda ɓwa mǝnana nǝ̀ tita loapi ɓembe nǝ yilǝmu ka, nǝ̀ hamnǝ cau mǝnana nǝ̀ pa tǎlaban mala amsǝban aban amǝ Yahudi andǝ aɓwana arǝ acilia anzali.

Amǝ Mishan 26:8

Palang sǝ dupa wun nǝ kwano, wun aɓwana mǝnia kani ka, mǝnana wu nǝ̀ earnǝi ama Ɓakuli nǝ̀ loasǝ alú ka?

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 5:17

Pǝlǝa Pǝris mǝgule andǝ aɓwana mǝnana ate, mǝnana à nda bui mala amǝ Saduki ka, à lo nǝ mɓali kǝrkǝr arǝ amǝ'mishan.

Amǝ Roma 8:11

Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.

1 Amǝ Korinti 15:23

Sǝ mǝnia yì loapi ɓembe nǝ yilǝmu ka, nzongŋi nakam, ko yan ngga ndanǝ banì male aɓa tsaɗi atarǝu: Kǝrǝsti nda mǝnana a dǝmbǝa à tita loasǝe ka; sǝ a pwari nyare yiu male ka, nǝ̀ loasǝ aɓwana mǝnana amale na ka.