Amǝ Mishan 4:1 - Maləmce Məfele mala Ɓakuli: Kurcau Məbəshe

¹ Bitǝrus andǝ Yohana ka, à ndaban nea aɓwana cau piu, sǝ apǝris andǝ ɓwamǝgule mala amǝyal Ndàmǝgule mala Ɓakuli andǝ amǝ Saduki pǝlǝa à yì tusǝo.

Amǝ Mishan 4:1 Iomraidhean Croise

Matiu 16:12

Nda sǝ ce kpania wia ama pa arǝ nunkiria amur yist mana à tsǝkiyi arǝ bǝredi ka ɗang. Nda arǝ na cau amur kanigir nyir mala amǝ Farisi andǝ amǝ Saduki.

Matiu 22:16

Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Matiu 27:20

Agbani pǝris andǝ aɓwana-mǝgule ka à ɓorikitakun aɓwabunda ama ɓǝa ear ama Barabbas na ɓǝa nyi, sǝ Yesu ka ɓǝa wali.

Matiu 27:41

Agbani pǝris andǝ amalǝm nggurcau andǝ aɓwana-mǝgule gbal ka à ɓanggini anggo.

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Luka 20:1

A ɓe kǝ pwari Yesu naban kani aɓwana gir a Ndàmǝgule mala Ɓakuli, sǝ kǝ hamnǝ Cau Amsǝban, agbani pǝris andǝ amalǝm Nggurcau mala Musa andǝ akapana yia kat à yiu abani.

Luka 22:4

Yahuda wario aban agbani pǝris andǝ aɓwana-mǝgule mala amǝ yal Ndàmǝgule mala Ɓakuli, à na cau andǝia, amur njar mǝnana nǝ̀ pana Yesu nǝi a buia ka.

Yohana 15:20

Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Yohana 18:3

Agbani Pǝris andǝ amǝ Farisi tasǝ amǝyal Ndàmǝgule mala Ɓakuli andǝ aɓea soje mala amǝ Roma, ɓǝa kyane ata Yahuda aban mǝnana Yesu nakam ngga. À kur rǝia nǝ agirbura, sǝ à bwal bǝsa arǝ aɓukan, andǝ apitǝla, pǝlǝa à puro à yì tusǝo a ɓabanì.

Amǝ Mishan 4:6

Annas Pǝris Mǝgule ka ndakam, andǝ Kayafas, andǝ Yohana, andǝ Alizanda, andǝ aɓea aɓwana amǝtau mala Pǝris Mǝgule.

Amǝ Mishan 5:17

Pǝlǝa Pǝris mǝgule andǝ aɓwana mǝnana ate, mǝnana à nda bui mala amǝ Saduki ka, à lo nǝ mɓali kǝrkǝr arǝ amǝ'mishan.

Amǝ Mishan 5:24

Lang agbani pǝris andǝ ɓwamǝgule mala amǝyal Ndàmǝgule mala Ɓakuli o anggo ka, gir nî pea wia ndali, nǝ gir mana kum amǝ'mishan ngga, andǝ gir mana nǝ̀ kpate ka.

Amǝ Mishan 5:26

Pǝlǝa ɓwamǝgule mala amǝyal Ndàmǝgule mala Ɓakuli puro wario andǝ amǝte, à kya yiu nǝ amǝ'mishan. À pakkia wia ɓe kǝgir nǝ rǝcandǝa ɗang, acemǝnana ɓangciu kǝ pakkia wia ama, aɓwana nǝ̀ ɓukkia nǝ atali.

Amǝ Mishan 6:12

Anggo sǝ à soa bum amǝ Yahudi andǝ aɓwana-mǝgule andǝ amalǝm Nggurcau mala Musa. À lo à bwal Itǝfanu à um nǝi aban amǝɓashi.

Amǝ Mishan 6:7

Anggo sǝ cau mala Ɓakuli lidǝmbǝa kǝ akiban. Amǝkwaɗi mǝnana a Urǝshalima ka, à lidǝmbǝa nǝ lakki. Sǝ apǝris pas paɓamuria aban kpata Yesu.