Amǝ Mishan 3:1 - Maləmce Məfele mala Ɓakuli: Kurcau Məbəshe

¹ Aɓe pwari mwashat, Bitǝrus andǝ Yohana ka à ndaban eauwe aban ká a Ndàmǝgule mala Ɓakuli, a bu-pwari tārú mala pwari, a pak hiwi.

Amǝ Mishan 3:1 Iomraidhean Croise

Matiu 17:1

A nzǝm nongŋo tongno-nong-mwashat ka Yesu twal Bitǝrus, Jemis andǝ Yohana mǝ'eam Jemis, sǝ à o amur ɓe nkono mǝdāre. A nda kano nǝmurǝia ka,

Matiu 26:37

Tunǝ Bitǝrus andǝ amuna mala Zabadi ɓari, Yohana andǝ Jemis ate, sǝ tita pak bumkiɗikea, sǝ ɓabumi zuriki.

Matiu 27:45

Nǝ bu-pwari lum-nong-ɓari mala pwari ka kara pǝndǝa yi gir ban, yi pur a bu-pwari tārú.

Luka 1:10

Lang pwari loasǝ yele ace pa ɓoro aban Ɓakuli karǝna ka, ɓwapǝndǝa rambǝa a nza aban pak hiwi.

Luka 18:10

Aɓwana ɓari à wario a Ndàmǝgule mala Ɓakuli ace pak hiwi. Mwashat ka ɓwa Farisi na, sǝ ɓe ka mǝcemi na.

Luka 22:8

Yesu tasǝ Bitǝrus andǝ Yohana, nea wia ama, “Wu kyane wu kya gilǝkia sǝm girlina mala Ɗire Yalimuru mǝnana sǝm nǝ̀ li ka.”

Luka 24:53

Ko ya pwari ka à kǝ wario aɓa Ndàmǝgule mala Ɓakuli, à kǝ mal pwari malea kam aban ɓwangsǝki Ɓakuli.

Yohana 21:7

Sǝ lagga mǝnana Yesu earkiyi ace raka ne Bitǝrus ama, “Mǝtalabangŋo na!” Lang Shiman Bitǝrus oe ama Mǝtalabangŋo na ka, kara twal daura male mǝnana swárí sǝ kuti a turo ka, oasǝi a rǝì, tǎ zurro a mur sǝ oakio aban ká a kun mur.

Amǝ Mishan 10:3

Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”

Amǝ Mishan 10:30

Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 3:3

Lang nǝ̀ sǝn Bitǝrus andǝ Yohana aban kutio aɓa Ndàmǝgule mala Ɓakuli ka, zǝmbǝia wia boalo.

Amǝ Mishan 3:4

Pǝlǝa Bitǝrus andǝ Yohana soaki wi mǝsǝu, sǝ Bitǝrus banggi wi ama, “Sǝn sǝm!”

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Mishan 5:25

Pǝlǝa ɓeɓwa yiu abania sǝ yi banggia wia ama, “Wu kwaki kir wun! Aɓwana mana wu oasǝia a ndàkurban ngga, à nda a Ndàmǝgule mala Ɓakuli aban kani aɓwana gir!”

Amǝ Mishan 8:14

Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania.

Amǝ Galati 2:9

Ɓafo, nggearǝ Jemis, sǝ Bitǝrus, sǝ Yohana, mǝnana à twalia ama à ndaka atanggea-nggun mala Ikǝlisiya ka, à sǝnǝna ɓwamuru mǝnana Ɓakuli pam mala turo mǝnia ka; pǝlǝa à ak sǝm sǝnǝ Barnabas, sǝm duk aɓia amǝturo. À pu nzǝm sǝm aban hamnǝ cau aban aɓwana mala aɓea anzali, sǝ yia ka à kutio ata turo aban amǝ Isǝrayila.